Mursi kuapishwa leo

Rais mteule wa Misri Muhammed Mursi

Rais mteule wa Misri Muhammed Mursi ameazimia kupambana kwa niaba ya watu wake na amewaonyesha majenerali upinzani kwa kusoma kiapo cha ishara cha kuingia madarakani mahala ambapo mapinduzi yalianzia.

Muhammed Mursi ambae ni Rais wa kwanza mwenye msimamo wa kiislamu pia ametoa ahadi inayotarajiwa kuufanya uhusiano baina ya Misri na Marekani uwe mgumu. Mursi ameazimia kufanya juhudi ili Sheikh Omar Abdel-Rahman afunguliwe. Sheikh Abdul-Rahman asieona anatumikia kifungo cha maisha jela nchini Marekani kwa kosa la kula njama za kuripua sehemu muhimu katika mji wa New York na kwa kula njama za kutaka kumuua aliekuwa Rais wa Misri Hosni Mubarak.

Umma wa watu katika uwanja wa Tahrir

Mursi pia ameahidi kuwa atawaachia wapinzani wote waliowekwa mahabusi ambao wamo hatarini kufikishwa mbele ya mahakama za kijeshi.Mursi ameahidi kufanya kila juhudi ili wafungwa wote waachiwe ikiwa pamoja na Sheikh Abdel-Rahman, kiongozi wa kidini wa watu waliotiwa hatiani mnamo mwaka 1993 kwa shambulio la bomu katika makao ya "World Trade Centre" Huku akishangiliwa na maalfu ya watu kwenye uwanja wa Tahrir Rais mteule wa Misri aliwaambiwa watu wake kwamba hakuna atakaeyachukua mamlaka yake. Amesema hakuna mamlaka yatakayokuwa juu ya "mamlaka haya" Licha ya kauli kali Muhammed

Mursi aliepuka mvutano wa ana kwa ana na viongozi wa jeshi. Anatarajiwa kuapishwa rasmi leo kwenye sherehe zitakazofanyika kwenye mahakama kuu ya Misri.

Mwandishi: Abdul Mtullya/APE

Mhariri: Sudi Mnette

Kuhusu:

Madaktari 146 watimuliwa kwa mgomo

Mgonjwa akiwa nje ya geti la Taasisi ya Mifupa MOI jijini Dar es Salaam jana akiwa ajui chakufanya baada kukuta geti hilo limefungwa kutokana na mgomo wa madaktari unaoendelea nchini.

MADAKTARI 146 wamefukuzwa katika hospitali mbalimbali nchini kutokana na kushiriki mgomo unaoendelea nchi nzima kwa lengo la kuishinikiza Serikali kutekeleza madai yao.

Uchunguzi wa Mwananchi umebaini kuwa, madaktari hao walitimuliwa katika Hospitali za Bugando na Sekou Toure mkoani Mwanza na Hospitali ya Rufaa ya Mkoa wa Mbeya na ile ya Rufaa Dodoma.

Wakati Serikali ikichukua hatua hiyo, mgomo huo jana uliendelea katika Hospitali ya Taifa Muhimbili (MNH), Ocean Road, Taasisi ya Mifupa Muhimbili (MOI) za jijini Dar es Salaam, Hospitali ya Mkoa wa Dodoma na Hospitali ya Rufaa ya KCMC mkoani Kilimanjaro.

Katika kile kinachoonekana kuwaunga mkono wenzao, madaktari bingwa wa MOI, MNH na Ocean Road jijini Dar es Salaam, jana walitangaza rasmi kuingia kwenye mgomo huo hadi madai hayo yatekelezwe.

Madai ya madaktari ni hali bora ya mazingira ya utoaji huduma nchini, ongezeko la mishahara, posho za kufanya kazi katika mazingira magumu, posho za kufanya kazi katika mazingira hatarishi na posho za kuitwa kazini.

Tamko la madaktari hao bingwa, lilitolewa jana na msemaji wao, Dk Catherine Mng'ong'o muda mfupi baada ya kumalizika kwa kikao chao kilichofanyika jijini Dar es Salaam.

Tamko hilo limekuja siku moja baada ya baadhi yao kuanza kushiriki mgomo huo juzi, kushinikiza pamoja na mambo mengine, Serikali itoe tamko juu ya tukio la kutekwa na kujeruhiwa kwa Dk Ulimboka.

Hata hivyo, wakati madaktari hao wakitoa tamko hilo, uongozi wa Moi jana ulitoa tangazo kuwataka madaktari wote walioshiriki mgomo huo kurejea kazini ifikapo Julai 2, mwaka huu, vinginevyo watafukuzwa kazi.

Jana jengo la MOI lilikuwa limefungwa kwa makufuli, huku wagonjwa wakielezwa kuwa huduma zote hazitolewi zikiwamo za dharura ambazo awali ziliendelea kutolewa.
Mmoja wa walinzi aliwambia waandishi wa habari kuwa, amefunga mageti kutokana na amri ya mkuu wake wa kazi.
“Mimi ninatekeleza amri ya bosi wangu, amenitaka kufunga geti na hakuna mtu kuingia, awe mgonjwa au ninyi waandishi wa habari kwa kuwa hakuna huduma zinazotolewa humu,” alisema.
Mkoani Mwanza
Madaktari 63 walio katika mafunzo ya vitendo kazini wa Hospitali ya Rufaa ya Bugando, Hospitali ya Mkoa Sekou Toure wametimuliwa na kurejeshwa wizarani kutokana na mgomo huo.

Mkurugenzi wa Hospitali ya Rufaa ya Bugando, Dk Charles Majinge alisema kuwa, juzi aliwataka madaktari waliokuwa katika mgomo kurejea kazini, lakini hawakufanya hivyo na jana akaamua kuwarejesha 47 wizarani.

Katika Hospitali hiyo ya Mkoa wa Mwanza Sekou Toure, Mganga Mkuu wa Mkoa, Dk Valentino Bangi alisema, madaktari 16 wamesimamishwa kufanya kazi kutokana na agizo la wizara.

Kilimanjaro

Madaktari walioko kwenye mgomo katika Hospitali ya Rufaa ya KCMC, Moshi mkoani Kilimanjaro walisema jana kuwa, kinachofanywa na Serikali kuwafukuza kazi waliogoma, ni njia mojawapo ya vitisho, lakini wakasema kuwa kamwe hawataogopa.

Madaktari hao ambao hawakutaka majina yao yaandikwe gazetini walisema, wao wanaendelea na mgomo mpaka pale Serikali itakapotekeleza madai yao.

“Tumesikia wenzetu wa Dodoma na Mbeya wamefukuzwa ….Hiyo haitufanyi turudi kazini na kama Serikali inaona hiyo ndiyo njia ya kumaliza mgogoro huu waendelee sisi tutarudi kazini pale itakapotimiza tunayotaka,” alisema mmoja wa madaktari hao.

Mbeya

Juzi Hospitali ya Rufaa ya Mbeya, ilitoa tangazo la kuwataka madaktari waliopo mafunzoni waliogoma kurejea kazini jana, na endapo wangekiuka agizo hilo wangekuwa wamejifukuzisha kazi. Na hadi jana jioni hospitali hiyo ilikuwa imewafukuza madaktari 72.

Ocean Road

Katika Taasisi ya Taifa ya Saratani, (Ocean Road), kutokana na madaktari sita kusitisha kutoa huduma tangu Dk Ulimboka alipojeruhiwa kwa kipigo, waligoma na jana Mkurugenzi wa Tiba na Huduma Diwani Musemo alionekana akitembelea wagonjwa.

Dodoma
Madaktari 11 wa mafunzo kwa vitendo katika Hospitali ya Mkoa wa Dodoma nao wamefukuzwa, tukio ambalo jana lilileta usumbufu mkubwa katika upatikanaji wa tiba hospitalini hapo.
“Kwa hakika matibabu yanaendelea ingawa ni katika hali ya kusuasua. Hatuna uhakika kama kweli kuna mgomo wa chinichini au la, maana mimi nimefika mapema, lakini bado sijahudumiwa," alisema mmoja wa wagonjwa waliozungumza na mwandishi wa habari.
Arusha
Katika Hospitali ya Mkoa wa Arusha ya Mount Meru, huduma zimedorora lakini Mganga Mkuu, Dk Omar Chande alisema jana kuwa, imekuwa ni vigumu kuchukua hatua kuwabana madaktari ambao wanatuhumiwa kufanya mgomo baridi, kwani wote wanaripoti kazini.

"Ni kweli kuna taarifa hizi za kuwapo mgomo baridi, lakini madaktari wote wapo kazini, ila kama kuna kufanya kazi chini ya kiwango, tumeanza uchunguzi," alisema Dk Chande.
Amana

Katika Hospitali ya Amana jijini Dar es Salaam utoaji wa huduma ulisuasua kutokana na mgomo huo jambo lililofanya uongozi kuweka tangazo kwenye Ofisi ya Mganga Mkuu kuwataka watumishi wote ambao hawakuwapo kazini kuanzia Juni 25, 2012 waandike barua za kurejea kazini.

Tangazo hilo pia linawataka madaktari walioko mafunzoni kuandike barua kwenda kwa Katibu Mkuu wa Wizara ya Afya na Ustawi wa Jamii kupitia kwa mganga mkuu wa hospitali hiyo.


Habari hii imeandaliwa na Frederick Katulanda, Mwanza, Rehema Matowo, Moshi, Zakhia Abdallah (SJMC), Editha Majura, Israel Mgussi, Dodoma), Victoria Mhagama na Daniel
Mwingira, Sam Jacob na Issa lazaro (SJMC, Godfrey Kahango, Mbeya, na Mussa Juma, Arusha.

Chanzo:Mwananchi

Kuhusu:

Daktari: Hali ya Ulimboka mbaya

Mwenyekiti wa Jumuhiya ya Madaktari Dk Steven Ulimboka, akiwa amelazwa katika Chumba maalum cha wagonjwa mahututi (ICU)akiendelea na matibabu katika Taasisi ya mifupa (MOI)jijini Dar es Salaam juzi.

YADAIWA FIGO ZAKE ZIMESHINDWA KAZI, ZATAKIWA DOLA 40,000 KUMPELEKA INDIA

Geofrey Nyang’oro na James Magai
AFYA ya Mwenyekiti wa Jumuiya ya Madaktari Tanzania, Dk Steven Ulimboka imebadilika na kuwa mbaya, baada ya figo zake kushindwa kufanya kazi ya kuchuja sumu ya mwili na kusababisha apatiwe huduma ya kusafisha damu yake.

Habari zilizopatikana jana na kuthibitishwa na kiongozi wa jopo la madaktari wanaoendelea kumtibu, Profesa Joseph Kahamba, zilieleza kuwa hali ya Dk Ulimboka ilibadilika na kuwa mbaya na hivyo kuwapo mikakati wa madaktari wenzake kukusanya fedha ili kumpeleka nje ya nchi.

Dk Ulimboka ambaye amelazwa katika Kitengo cha Wagonjwa Wanaohitaji Uangalizi Maalumu (ICU) katika Taasisi ya Mifupa (MOI), alipatiwa huduma hiyo jana asubuhi kwa kutumia mashine maalumu, iliyoko katika Kitengo cha Watoto cha Hospitali ya Taifa Muhimbili (MNH).

Daktari huyo ambaye alikuwa anaratibu mgomo wa madaktari unaoendelea nchi nzima kutokana na Serikali kushindwa kutimiza madai yao mbalimbali, amelazwa kutokana na majereha aliyoyapata katika sehemu mbalimbali za mwili, baada ya kutekwa na watu wasiojulikana, kisha kupigwa, kung'olewa kucha, meno mawili na kutupwa katika Msitu wa Pande, usiku wa kuamkia Jumatano.

Tangu alazwe MOI baada ya kuokotwa na wasamalia wema, katika Msitu wa Pande uliopo nje kidogo ya Jiji la Dares Salaam, hali ya afya ya Dk Ulimboka imekuwa tete na jana ilizidi kuwa mbaya.

Kauli ya Dk Kahamba

Akizungumza na gazeti hili jana, Profesa Kahamba alisema kutokana na tatizo hilo, mgonjwa huyo jana alilazimika kusafishwa damu.

Alieleza hayo alipotakiwa kuthibitisha taarifa zilizolifikia gazeti hili kuwa afya ya Dk Ulimboka haikuwa nzuri na madaktari wanachangishana fedha kumpeleka kwenye matatibu ya kusafishwa damu katika Hospitali ya Regency jijini Dar es Salaam au nje ya nchi.

"Taarifa hizo zina ukweli, lakini siyo jambo rahisi kiasi hicho kwamba anatakiwa kusafishwa damu. Kama ni damu amesafishwa leo (jana) asubuhi katika Hospitali ya Taifa Muhimbili," alisema Profesa Kahamba na kuendelea:

"Suala lake ni complicated (tata) zaidi, lakini ili watu waelewe, siyo mbaya mkisema figo zimefeli(zimeshindwa kufanya kazi)."

Alipotakiwa kueleza sababu ya tatizo hilo, Profesa Kahamba alisema, "Siwezi kueleza kwa undani ila haya maumivu ya kupigwa na kuteswa yanachangia kwa kiasi kikubwa."

Alipotakiwa kueleza yeye anaonaje hali ya sasa ya Dk Ulimboka, Profesa Kahamba alisema: “Ni uongo tukisema anaendelea vizuri."

Aliendelea, "Unajua alipofikishwa hapa Muhimbili juzi (Jumatano) afya yake ilikuwa mbaya, na jana (Alhamisi) alionekana kuendelea vizuri, lakini jana hiyohiyo, hali yake ilianza kubadilika na vipimo vilionyesha kuwa ana complications (matatizo) za figo.

"Sasa figo ni kitu sensitive (muhimu) sana, anahitaji uangalizi wa karibu na kimsingi hatuwezi kusema kwamba anaendelea vizuri. Ni vyema tukisema tu afya yake ni mbaya," alieleza.

Taarifa za awali kutoka kwenye chanzo chetu hospitalini hapo, zilieleza kuwa Dk Ulimboka ambaye alipata tatizo linalojulikana kama “Acute renal failure”, alifanyiwa tiba inayojulikana kama Dialysis, ambayo ni kitendo kutumia mashine maalumu kufanya kazi ya kuchuja sumu ya mwili kwenda kwenye mkojo, baada ya figo ambazo hufanya kazi hiyo kushindwa.
Kwa mujibu wa chanzo hicho, Dialysis inaweza kumsadia mgonjwa ambaye figo zake zimeshindwa kufanya kazi, kuishi kama kawaida, lakini kwa Dk Ulimboka haikutoa matokeo mazuri.

Michango ya madaktari

Jana ulifanyika Mkutano wa Madaktari Bingwa wa MNH, Chuo Kikuu Sayansi ya Tiba Muhimbili (MUHAS) na Ocean Road (ORCI) na kuazimia kukusanya Dola za Marekani 40,000 (Sh64,000,000) ili Dk Ulimboka asafirishwe kwenda India kwa matibabu zaidi.

Taarifa za maazimio hayo zilitangazwa kwa waandishi wa habari na Katibu wa Jumuiya ya Madaktari, Dk Edwin Chitega, kuwa afya ya Dk Ulimboka haikuwa nzuri hivyo zikipatikana fedha hizo angepelekwa nje ya nchi.

Dk Chitega aliwataka wanataaluma hao na wananchi kwa ujumla kuchangia safari hiyo ili kuokoa maisha ya daktari huyo, huku akitaja namba za mawakala wa simu za Vodacom na Tigo, ambazo zitatumika kukusanya michango hiyo.

Habari zilizopatikana baadaye wakati tunakwenda mitamboni zilieleza kuwa, Dk Ulimboka alitarajiwa kusafirishwa kwenda Nairobi, Kenya kwa matibabu zaidi.


TANNA MOI watoa tamko
Katika hatua nyingine, Chama cha Wauguzi (Tanna), Tawi la MOI kilitoa tamko la kulaani kitendo cha kutekwa, kupigwa na kujeruhiwa kwa Dk Ulimboka na kutaka uchunguzi wa kina na haraka ufanyike ili kubaini watu waliohusika.

Mwenyekiti wa Tanna, Tawi la Moi, Prisca Tarimo alisema katika tamko hilo kuwa, kitendo alichofanyiwa Dk Ulimboka ni cha kinyama na kisicho cha kiutu.

Katika tamko hilo, Tanna imeomba Serikali kutafuta suluhu ya mgomo huo haraka kwa kuwa unaathiri maisha ya watu na kuwaongezea mzigo wa kiutendaji wauguzi.

Mgomo wa madakati unaingia siku ya saba leo, huku suluhu ya kuaminika ya kutatua tatizo hilo, ikiwa bado haijapatikana.

Polisi wakanusha
Katika hatua nyingine, James Magai anaripoti kuwa, Jeshi la Polisi limekanusha kumteka na kumjeruhi Dk Ulimboka, huku likipinga pia taarifa za daktari huyo kumtambua mmoja wa askari walio katika jopo la uchunguzi wa tukilo hilo alipokwenda kumtembelea hospitalini.

Pia jeshi hilo limetoa wito kwa madaktari hao walioko katika mgomo kuwa na busara na kutii amri ya Mahakama, ya kuwataka wasitishe mgomo wao.

Pia limeonya kuwa ikiwa wataendelea kukaidi na kupuuza amri ya hiyo ya mahakama, linao wajibu wa kuwachukulia hatua kwa kuwafikisha mahakamani, ili wajibu mashtaka hayo.

Msimamo huo ulitolewa jana na Kamishna wa Oparesheni Maalumu, Kamishna wa Polisi (CP), Paul Chagonja wakati akijibu maswali ya waandishi wa habari kwenye mkutano alioitisha kuzungumzia matokeo ya operesheni ya jeshi hilo ya majuma matatu katika kuzuia uhalifu nchini.

Alisema madai hayo ni uvumi ambao unalenga kulifanya jeshi hilo lisiaminike na kufifisha juhudi zake za kuwasaka waliohusika na unyama huo.

Kuhusu:

Madeni ya Ulaya: Merkel agoma kulegeza msimamo

Bi:Angela Merkel

Kansela wa Ujerumani Angela Merkel amekataa shinikizo la kujumuisha deni la Ulaya kupitia hati za dhamana na kusema kuwa hatua hiyo ni hatari kabla serikali hazijaonyesha kuwa zinaweza kuheshimu sheria za bajeti.

Merkel ameweka msimamo huo siku moja kabla ya mkutano Mkuu wa mataifa yanayotumia sarafu ya euro unaolenga kutafuta njia za kunusuru uchumi wa kanda hiyo. Merkel ambaye yuko safarini kuelekea ufaransa kukutana na rais wa nchini hiyo Francois Hollande, amesema kujumuisha madeni ya Ulaya ni njia isiyo sahihi na kunaweza kusababisha kurudiwa kwa makosa yaliyofanyika huko nyuma.

Shinikizo linazidi kuongezeka kwa Kansela huyo kulegeza msimamo wake juu ya utoaji wa dhamana za pamoja wakati ambapo Hispania nayo inaonyesha dalili za kutaka kuokolewa.

Noti za euro.

Masharti ya dhamana
Alisema dhamana na udhibiti laazima viende sambamba na kwamba kunaweza kuwa na dhima ya pamoja pale tu udhitibi wa kutosha utakapowekwa. Licha ya ukweli kwamba mifumo kama hati na bili za ulaya, na ukombozi wa madeni vinakwenda kinyume na katiba ya Ujerumani, Merkel alisema yeye mwenyewe anavichukulia kama njia isiyo sahihi na ya hatari.

Wataalamu wanasema ingawa hati hizi za dhamana za ulaya zinaweza kupunguza gharama za ukopaji kwa mataifa yanayohangaika na mzigo wa madeni kama Hispania na Italia, zinaweza kupandisha gharama hizi kwa Ujerumani na baadhi ya nchi nyingine ambazo hazijaathirika sana. Utawala mjini Berlin una hofia kubeba madeni ya mataifa mengine bila kuwa na uhakika kwamba mataifa hayo yanachukua hatua za kufanya mageuzi ya kiuchumi.

Katika maandalizi ya Mkutano huu muhimu kwa hatma ya kanda ya euro, maafisa wa juu wa Umoja wa Ulaya wametayarisha mpango wenye mapendekezo ya muda wa kati kuelekea dhamana za ulaya, pamoja na uanzishwaji wa muungano wa mabenki chini ya mamlaka moja. Wametaka pia mataifa 17 wanachama wa kanda hiyo kusalimisha udhibiti zaidi wa bajeti zao katika kile kinachoonekana kama kukubaliana na matakwa ya Ujerumani.

Waziri Mkuu wa Hispania, Mariano Rajoy ambaye amepiga kengele ya hatari.

Mpango mpya kujumlisha ukuzaji uchumi
Sual muhimu katika Mkutano huo wa Mjini Brussels linatarajiwa kuwa kurekebisha mpango wa sasa wa kubana matumizi na kuongeza kipengele cha ukuzaji wa uchumi ambacho kitaongeza kiasi cha euro bilioni 130 lakini viongozi pia watahitaji kujadili mustakabali wa kanda hii inayokabiliwa kwa muongo unaokuja, ikiwa ni pamoja na kutaka ushirikiano zaidi na kuanzisha muungano wa mabenki na kukabidhi mamlaka juu ya sekta za fedha na bajeti kwa ngazi ya Ulaya.

Merkel alisema hakuna njia rahisi au ya kimuujiza ya kutatua mogogoro wa uchumi wa kanda ya euro na kutahadharisha juu ya kuwa na matumaini yaliyopitiliza katika uwezo wa nchi yake. Wakati huo huo viongozi wa Ulaya wamepata onyo lingine baada ya Waziri Mkuu wa Hispania, ambayo inakabiliwa na mgogoro wa kiuchumi, Mariano Rajoy kusema kuwa nchi yake haiwezi tena kujiendesha kutokana na viwango vikubwa inavyolipa katika masoko.

Mwandishi: Iddi Ismail Ssessanga\AFPE\APE
Mhariri: Mohammed Abdul Rahman

Kuhusu:

Tuzo ya Deutsche Welle kwa wanablogi bora

Blogi kwa ajili ya uhuru:Washindi wa tuzo ya mwaka huu ya Blogi inayotolewa na Deutsche Welle-The BOBs, wamekabidhiwa zawadi yao katika kongamano la vyombo vya habari-Global Media Forum mjini Bonn.

"Mnawapatia sauti jamii ya wachache na mnajiwapatia uhuru wa kuzungumza.Hii ni changamoto kubwa.Deutsche Welle inataka kuonyesha umuhimu wa kazi yenu na kukupeni moyo muendelee.Mnafanya kazi ya maana."Hayo ndio matamshi yaliyotolewa na mhariri mkuu wa Deutsche Welle bibi Ute schaeffer katika hotuba yake ya ufunguzi kwa washindi sita wakuu wa tuzo ya Blogi.

Hili ni mara ya nane kwa tuzo hiyo ya BOBs kutolewa na Deutsche Welle.

Tume maalum ya kimataifa imewateuwa washindi kutoka jumla ya mapendekezo 3000 yaliyowasilishwa.Na jana jumanne (june 26.2012),washindi wote wa tuzo hiyo wakaja Bonn kupokea zawadi yao wakati wa kongamano la vyombo vya habari-Global Media Forum.

Ramani dhidi ya Ubakaji

Washindi katika kundi la "Matumizi bora zaidi ya Teknolojia kwa manufaa ya jami" ni wale waanzilishi wa "Harassmap"-mtandao wa Misri ambapo wanawake,bila ya kutajwa majina yao,wanaelezea visa vya kunajisiwa kimwili-visa ambavyo huonyeshwa katika ramani,wapi vimetokea.Katika jamii ya Misri watu hawatambui bado wanawake wangapi wanasumbuliwa na visa hivyo.

Zaidi ya watu 500 wanapambana na kuzidi matumizi ya nguvu dhidi ya wakinamama kote nchini Misri."Hata wanaume wameanza kuhuzunishwa na jinsi baadhi ya wanawake wanavyoatilika." amesema Rebecca Chiao aliyejiunga tangu mwanzo na mtandao wa "Harassmap".

Boukary Konaté wa Mali akikabidhiwa tuzo yake na mhariri mkuu wa DW Ute Schaeffer

Mtandao wa Facebook kutoka Syria-Freerazan-umeshinda katika kundi la "Kampeni bora ya harakati za jamii"-Mtandao huo umewalenga wanablogi wa Syria ambao bado wanashikiliwa jela.Mshindi ni mwanabologi wa kike wa Syria Razan Ghazzawi ambae ameshakamatwa mara kadhaa.Sherry Al Hayek amepokea tuzo hiyo kwa niaba ya wanabologia wanaochangia katika mtandao huo.

Milioni Kumi wanaujua mwito wa Wang

Sifa kubwa zimetolewa na tume ya Bobs kwa mtandao Kuang Kuang Kuang" kutoka China.Msanii Wang Bo anaonyesha katika kanda za video katuni kuhusu maovu yanayotendeka katika jamii nchini China-kuanzia maziwa ya watoto wachanga yaliyo haribika,kupitia watu kuhamishwa kwa lazima hadi kufikia kutojulikana aliko msanii Ai Weiwei.Tuzo ya Wang inaingia katika kundi la "Mtandao bora wa video."

Tuzo maalum ya Elimu na Utamaduni ametunukiwa Boukary Konaté wa Mali ambae amepania kuwashawishi wananchi wa Mali wachangie zaidi maoni yao kupitia mtandao wa Internet.Tangu mwaka 2008 Bokary Konaté amekuwa akisimamia mtandao wake alioupa jina "FASOKAN" kwa lugha ya Bambara na kifaransa.Anaelezea jinsi mtu anavyoweza kuingia katika mtandao wa internet kwa msaada wa nguvu za jua na betri ya gari na kuwahimiza wakaazi wa mashambani jinsi ya kutumia mtandao wa Internet.

Tuzo maalum ya Maripota bila ya Mipaka

Tuzo ya Maripota bila ya mipaka imemuendeya mwanabologi wa Bangladesh Abu Sufian ambae katika bologi zake amekuwa akimulika maovu yanayotendeka katika jamii na hasa hatua za kimabavu za maafisa wa serikali.

Mwandishi habari na mshindi mkuu wa tuzo ya Blogi ya Deutsche Welle,Arash Sigarchi

Tuzo Bora zaidi

Blogi ya "Dirisha la hofu" ya Arash Sigarchi,imechaguliwa sio tu na wanablogi bali pia na tume ya Bobs kuwa blogi bora zaidi kwa mwaka 2012.Blogi hiyo ni maarufu miongoni mwa jamii ya wairan.Sigarchi amekuwa akifungwa mara kadhaa kwasababu ya blogi zake na mara ya mwisho alihukumiwa kifungo cha miaka 14 jela kabla ya kubadilishwa na kuwa miaka 3.Hakuna lakini kilichomfanya abadilishe msimamo wake,si maradhi ya saratani na wala si kifungo.

Mwandishi:Wünsch Silke/Hamidou Oummilkheir

Kuhusu:

Watanzania wengi tunalaani matukio ya Utekaji nyara Hayakubaliki.

Dr.Ulimboka alipatikana baada ya taarifa mbali mbali kusambazwa katika mitandao mbali mbali kuhusu kupotea kwake.

Dr:Steven Ulimboka

Hivi ninavyoaandika yupo ICU akiwa katika hali mbaya hajitambui.Awali katikamaelezo yake alisema kwamba walikuja watu watatu waliovalia kiraia na kujitambulisha kuwa wao ni askari. Watu hao walimchukua na kumuingiza katika gari lisilokuwa na namba na kuanza kuelekea barabara ya Bagamoyo. Huko walimfunga kitambaa usoni, kamba mikononi na miguuni kisha wakampiga huku wakimwambia amekuwa akiwasumbua kwa muda mrefu na kama wangekuwa na sindano ya sumu wangemmaliza kabisa. Posted by DINA MARIOS at 8:43 AM No comments:

Kuhusu:

Mambo yalivyokuwa leo Muhimbili

Matukio haya na yale sambamba na habari/picha za ziada za Globu ya Jamii

Wednesday, June 27, 2012

Matukio mbali mbali hospitali ya Muhimbili leo

Madaktari wa Hospitali ya Taifa ya Muhimbili jijini Dar es Salaam wakimpakia kwenye Gari Daktari Mwenzao aliepatwa na Mkasa wa Kutekwa Nyara na watu wasiojulikana na ambao walimjeruhi vibaya sana,Dk. Steven Ulimboka aliepatwa na mkasa huo usiku wa kuamkia leo huko katika msitu wa Mabwepande,jijini Dar

Wanahabari wakihangaika kupata picha ya Dk. Steven Ulimboka alieinginzwa kwenye gari hiyo tayari kwa kupelekwa kwenye Taasisi ya Mifupa (MOI) kwa matibabu zaidi.

Madaktari na wauguzi wa Hospitali ya Taifa ya Muhimbili wakiisukuma gari iliyokuwa imempaki Dk. Stevan Ulimboka.

Madaktari na Wauguzi wa Muhimbili wakiwa wamesimama huku wakizungumzia hali iliyompaka mwenzao.

Wanahabari wakitafuta taswira.

hakuna kazi iliyokuwa ikifanyika Hospitali ya Taifa ya Muhimbili wakati Dk. Ulimboka akifikishwa hospitalini hapo.

Posted by MUHIDIN MICHUZI at Wednesday, June 27, 2012

Kuhusu:

Ukweli kuhusu mgomo wa madaktari Tz

MADAI
1. Kuboresha Huduma za afya hospitalini kwa vifaa vya upimiaji, madawa.
2. Kuboresha Mazingira Ya kazi (ukarabati wa majengo, uongezaji wa vitanda)
3. Posho ya muda wa ziada wa kazi (call allowance) 5% kama ilivyo kisheria kwa kada yoyote.
4. Posho ya kufanya kazi katika mazingira magumu 40% ( MEANING anayefanya kazi SAME, TANDAHIMBA, NYAMPULUKANO nk ni tofauti na akaaye MJINI)
5. Posho ya makazi 40% au nyumba kama ilivyo kisheria(since DOCTOR IS ENTITLED KUPATA, HII NI KATIKA SHERIA YAO WENYEWE)
6. Bima ya Afya(Green Card) kwa wafanyakazi wote wa sekta ya Afya.
7. Kuwaondoa viongozi wa juu wa W/Afya kutokana na ubadhirifu.
8. Posho ya kufanya kazi katika mazingira hatarishi 30% au Chanjo(Homa ya ini-hepatitis, HIV/AIDS, TB)

MAKUBALIANO
1. Kuondolewa kwa viongozi na watendaji wa juu wa Wizara ya Afya
2. Kupewa nusu ya ombi la call allowance hadi pale baada ya mazungumzo(ktk kipindi cha mpito)
3. Kamati kujadili na kuona kiasi gani mshahara na posho zitaongezwa kwa kutengeneza(developing a formula)
4. Serikali kuongeza bajeti ya W/Afya ili kuongeza vifaa, na madawa.

HALI ILIVYO SASA
- HOSPITALINI: hakuna huduma za afya (matibabu, upimaji wala upasuaji), YAANI NI KWELI TUMEGOMA
- VYOMBO VYA HABARI: Kuna upotoshwaji mkubwa wa taarifa kwa umma.
- MTAANI:Hofu na mashaka kwa wananchi kutokana na kutoelewa matamko yanayopingana kati ya Serikali na Tamko la madaktari

MTAZAMO
HEBU ANGALIA KATIKA MAKUBALIANO NI LIPI LIMETEKELEZWA HADI SASA?? THEN SERIKALI INAONGEZA MISHAHARA YA WABUNGE, HIVI KARIBUNI UTASIKIA SABASABA!!!
- Jumla ya madaktari wote ni chini ya 15,000 (na hapa namaanisha General practitioners and Specialists). Kwa uchache au wingi wetu tumekwisha kuona madhara ya migomo miwili iliyokwishatokea.Nashangwazwa na kuona baadhi ya watu wanaosema madaktari hatuna utu wala huruma na tunaweka maslahi yetu mbele, hivi mnajua kuwa katika nchi za East and Central Africa, Tanzania ndiyo yenye kulipa mishahara midogo kwa watu wa sekta ya Afya??

Rwanda juzi juzi(1994) walikuwa na vita lakini daktari analipwa 1500USD, au mnadhani hatujui kuna nchi za jirani na mbali tunaweza kwenda kama wenzetu (Mf. Rwanda, Botswana, Zambia, Lesotho, Egypt, SA, nk)???mnadhani kubaki kwetu Tanzania tuteseke kwa kauli eti “UDAKTARI NI WITO?”, “WATANZANIA -WATOTO, KINA MAMA, NA WAZEE WATAKUFA IWAPO TUKIGOMA”, “OOOH?? HATUTAKIWI KUGOMA”…tumeonyesha uzalendo wetu kwa kubaki hapa hapa na mazingira yetu magumu, lakini sasa IMEFIKA MWISHO..

Pediatrics(wodi ya watoto):Hakuna vifaa vya kuongezea maji/damu mwilini(cannula), hakuna mitungi ya gesi, OBGYN(wodi ya kina mama); hakuna pamba, mipira ya mikojo(urine bags), MOI, Mwaisela hakuna vitanda, Operating Theatre,OT; Hakuna gloves ,mask, kofia za kutosha, Huduma ya mionzi ya CT SCAN ni mwezi wa saba haifanyi kazi(huku mmiliki akiwa anaidai Wizara ya Afya mil.800/=Tsh)na haitakuwepo hadi atakapolipwa.
Kwa madai hayo, si lazima serikali itekeleze all at once, lakini Mshahara unazungumzika, wale mnaofanya interview, huwa hamuulizwi ni kiasi gani unategemea kuanza nacho na waajiri wenu? Doesn’t this make salary being negotiable?? Then kwanini isiwe kwetu?
Hivi ulishawahi kusikia MASS RESIGNATION????? It takes ATLEAST 12yrs kumpata huyo specialist after elimu ya sekondari, Halafu nasikia mnasema eti tufukuzwe kazi?Then what??? Kwa wale wenye mtazamo mfupi mnadhani Serikali inaweza ku-import madaktari toka nje..kwa mfano

1.Ni nchi gani itakuazima madaktari?? Kwa mshahara upi na vifaa gani? CUBA-3000USD, RWANDA-1500USD!!!
2.Hypothetically speaking, wakikusaidia madaktari, watakupatia wangapi??
3.Apartment na transport allowances utawapa kiasi gani?
4.Hivi bibi aliye Tandahimba, asiyejua Kiswahili vizuri ataweza kuongea kiingereza na hao doctors??ama utahitaji wakalimani(translators), if so wangapi??? Utawalipa??
5.Then hao madaktari watakaa hapa milele??

Then NASIKIA MTATUPELEKA MAHAKAMANI.
Utawakamata madaktari wote nchini?? Kumbuka huu mgomo hauna kikomo na hauna kiongozi!!!..hypothetically speaking ukitupeleka, tutawatibu tukiwa huko gerezani?? Waliobaki mnadhani watarudi makazini?tukirudi mnadhani tutafanya kazi? Tukifanya kazi unadhani itakuwa katika kiwango kinachotakiwa? With demoralization unategemea tutaponyesha ndugu zetu kweli, au mortality kuwa juu??? Then kwa wanafunzi walio vyuo vya tiba kama MUHAS, WBUCHS, KCMC, UDOM, HKMU, IMTU..watafanya kazi hapa nchini kwa hali hii, ama Brain drain ndiyo itazidi!!
SIASA.
Wananchi walishazoea kudanganywa, na hii imezoeleka na viongozi Fulani kushindwa kufanya wajibu wao kusingizia wanasiasa kadhaa..Hapa HAKUNA siasa ila mkiileta tutawaachia tu kwani huko hatupawezi ila viongozi mjue hakuna tena rufaa ya kwenda nje(mf. INDIA) MUHIMBILI

Hivi wananchi mnajua viongozi wanalipwa kiasi gani wanapoenda nje kutibiwa na familia???
Eti kwa sababu sekta nyingine hawawezi kugoma, ndio na sisi tusigome? Eti kwa sababu askari anayetumia SMG na kupambana na jambazi anayetumia AK47, eti kwa sababu mishahara ya walimu inacheleweshwa, ndio tusigome??? Nani kasema??

HITIMISHO:
HAPA KAZINI HATURUDI…HII IELEWEKE VIZURI…HATURUDI….MGOJA NIIWEKE VIZURI HATURUDI, ACHA MEDIA IENDELEE KUDANGANYA, LAKINI UKWELI TUNAUJUA, MWISHONI MTARUDI TU, NA THIS TIME SI TENA YA KUTUMIA BUSARA ZETU KUWASTAHI VIONGOZI NA KISHA KWENDA PALE KUONGEA NA ‘WAZEE WA DSM”
“Doctors we might be slow walkers, but we never walk back” ..Solidarity Forever

Kuhusu:

Maporomoka yahofiwa kuuwa wengi

Baadhi ya wananchi wa Uganda wakiwa kwenye shughuli za uokoaji.

Shughuli za uokozi zinatarajiwa kuanza tena leo asubuhi mashariki mwa Uganda ambako vijiji vitatu vilifunikwa na udongo kufuatia maporomoka ya udongo yaliyokumba eneo la Bududa.

Shirika la msalaba mwekundu nchini Uganda limesema kuwa zaidi ya watu 100 wamefariki dunia katika maporomoko hayo.

Zaidi ya nyumba kumi na tano zimezikwa kufuatia mvua kubwa iliyonyesha katika eneo hilo.

Shirika hilo limesema maafisa wake wanaendelea kuwatibu waliojeruhiwa katika mkasa huo, katika eneo hilo lenye rutuba la Bududa, linalokuza kahawa na lililopo karibu na mbuga ya wanyama ya mlima Elgon.

nyumba zimefunikwa futi16 chini

Mwandishi wa habari, Stephene Mulaa, aliyezuru eneo la tukio amesema kuwa, ''kufikia jana jioni hakuna mwili hata mmoja ulikuwa umepatikana, kwa sababu inakadiriwa kwamba miili ya watu na nyumba zilizofunikwa na udongo ziko zaidi ya futi kumi na sita kwenda chini''

Kuhusu:

HOTUBA YA KAMBI YA UPINZANI IMESHEHENI.

Kiongozi wa kambi ya upinzani Bungeni, Mhe:Freeman Mbowe.

Hotuba ya kambi ya upinzani kuhusu makadilio na matumizi ya ofisi ya Waziri mkuu Bungeni jana imewagusa wananchi wengi.Baadhi ya wananchi waliokuwa wakifuatilia matangazo ya moja kwa moja,Wamekiri kuwa Mhe:Mbowe amegusa karibu matatizo yote yanayo wakabili wananchi wengi ambao ni maskini sana.Wananchi hao wamesema wamechoka kusikia kila siku mipango inapagwa lakini hatekelezwi.Hii ni changamoto kwa serikali kwani imekuwa kama mtani wa wananchi kama ilivyo kwa makabila mengi hapa nchini.Na wengine walidiriki kusema ''LA KUVUNDA HALINA UBANI"

By: Steven Kp

Kuhusu:

Kongamano la "jukwaa" la vyombo vya habari laanza

Kongamano linalojulikana kama Global Media Forum ambalo linawaleta pamoja wataalamu kutoka vyombo vya habari, wanasayansi na wanasiasa, limeanza leo Jumatatu (Juni 25 hadi 27 ) katika jengo la Deutsche Welle mjini Bonn

" Elimu bado ni mada kuu katika suala zima la utandawazi," alitamka hayo Mkurugenzi mkuu wa Deutsche Welle, Erik Bettermann. Jinsi gani " Elimu kwa wote" lilivyo jambo muhimu, ndiyo suala kuu la majadiliano ya siku tatu miongoni mwa wataalamu kutoka vyombo vya habari, wanasayansi na wanasiasa kuanzia Jumatatu (Juni 25 hadi 27 ) katika kongamano linalojulikana kama Global Media Forum katika jengo la Deutsche Welle mjini Bonn." Habari na elimu ndiyo msingi wa harakati za chombo cha matangazo ya kigeni cha Ujerumani", anasema Mhariri mkuu wa DW, Ute Schaeffer.

Mkurugenzi Mkuu wa Deutsche Welle Erik Bettermann

Kwa mujibu wa idadi rasmi ya Shirika la Elimu, Sayansi na Utamaduni la Umoja wa mataifa, kiasi ya watu 800 milioni hawajui kusoma na kuandika.Wakati huo huo, inaelekea Ulimwengu ni jamii ya habari, ambayo kwa mujibu wa Erik Bettermann,hutupa nafasi ya kupata maarifa kila wakati na popote tulipo.

Vyombo vya habari kutoa mwangaza
Ni kwa sababu hii hasa, vyombo vya habari kote duniani vinawajibu. " Vina jukumu muhimu kama chombo cha kutoa muwangaza ", anasisitiza Mkurugenzi mkuu wa DW. Kwa watu wa tabaka mbali mbali katika Dunia ya utandawazi, elimu, utamaduni na elimu kwa wote, yanaweza kuwa ni ufunguo wa kuweza kuishi pamoja kwa amani, kwa maendeleo na majadiliano baina ya watu wa tamaduni mbali mbali.

Katibu mkuu wa Tume ya Ujerumani ya Shirika la UNESCO , anakubaliana na msimamo huu:" Uhuru wa magazeti, ubora wa elimu na mchanganyiko wa tamaduni, ni mambo muhimu kwa ajili ya kuwa na jumuiya huru na zenye nguvu. Mwaka huu Tume ya Ujerumani ya Shirika la UNESCO,imechukua nafasi ya kuwa kinara ya mkutano wa Bonn.

Miongoni mwa wageni maarufu katika kongamano la Global Media Forum kawa mara ya kwanza ni Waziri wa mambo ya nchi za nje wa Ujerumani, Guido Westerwelle. Anazungumzia juu mchango wa ushirikiano na maajadiliano katika Dunia ya utandawazi. Pia anatarajiwa Rais wa zamani wa Indonesia Jusuf Habibie.

Misimamo ya Sayansi duniani

Mada kuu ya kongamano hilo mwaka huu ni Elimu kwa wote

Thomas Pogge, profesa wa falsafa ya siasa na masuala ya kimataifa katika chuo kikuu cha Yale, New Haven (Marekani) na Franz Josef Radermachaer, profesa wa sayansi ya kompyuta katika chuo kikuu cha Ulm na mwanachama wa kilabu ya Roma, wataelezea wazi misimamo ya sayansi katika hali ya dunia na hivyo kuwasilisha maelezo ya kutosha kwa ajili ya majadiliano. Lakini zaidi ya watu wengine 50 katika hafla hiyo-walioandaliwa na mashirika na makampuni ya kitaifa na kimataifa , watatoa maoni mengi tofauti: UNESCO imetambuwa kuwa mchanganyiko wa tamaduni ni chachu kwa hali endelevu katika kanda ya Ulimwengu wa Kiarabu.

Shirika la Ujerumani la kubadilishana wasomi (DAAD), linajishughulisha na suala la kama vyuo vikuu vinaweza kuwa chombo cha mabadiliko. Elimu ya haki za binaadamu na maamuzi binafsi ya kijinsia ni mada inayozingatiwa na taasisi ya Ujerumani ya haki za binaadamu (DIMR) na Wakala wa Ushirikiano wa Kimataifa (GIC) na Taasisi ya Maendeleo ya Ujerumani (DIE), zinafafanua juu ya mchango wa mdahalo baina ya tamaduni mbali mbali kwa changamoto za " utawala bora".

"Kwa hiyo sisi si mkutano wa vyombo vya habari si mkutano wa kisiasa wala mkutano wa kisayansi," anasema Meneja wa GMF Ralf Nolting, bali ni watu tuliokusanyika katika meza moja , kutathmini nini suluhisho la matatizo ya dunia." Kinachofaanana kwetu sote ni imani ya kwamba vyombo vya habari vimetoa mchango muhimu katika kutambua suluhisho la matatizo na mawasiliano. Kutokana na hayo ndiyo maana kuna Kongamano hili la Global Media Forum- ambalo sasa linafanyika kwa mara ya tano- likiwa ni jambo la mafanikio , anasema Nolting.

Mwandishi: Mast-Kirschning,Ulrike/ Mohammed Abdul-Rahman

Mhariri:Josephat Charo

Kuhusu:

Mohammed Mursi kuunda serikali mpya

Mohammed Musri akifanya sala

Rais wa kwanza kuchaguliwa kidemokrasia nchini Misri Mohammed Mursi, anaanza kuunda serikali mpya baada ya kuahidi kuwa kiongozi wa raia wote wa Misri.

Viongozi wa dunia wamempongeza Kiongozi huyo aliyeungwa mkono na mrengo wa Muslim Brotherhood baada ya kumshinda Waziri Mkuu wa zamani Ahmed Shafiq.

Bw Musri anatarajiwa kuapishwa rasmi hapo Juni 30, japo kuna hoja kuhusiana na madaraka gani anapata.

Watawala wa kijeshi wamedhibiti madaraka mengi anayopata Rais pamoja na kufuta bunge.

Kwenye hotuba yake ya ushindi, Mursi aliwahakikishia raia kuwahudumia wote bila kubagua.

Mohammed Mursi anaanza kuunda serikali ya kiraia lakini macho yote yanatazaman chaguo lake la Waziri Mkuu.

Mwandishi wa BBC Jon Leyne mjini Cairo amesema kuwepo na mazungumo na mshindi wa tuzo ya amani ya Nobel Mohamed ElBaradei, ambaye atatuliza wasi wasi wa mrengo usiopendelea sheria za dini na vijana.

Mursi ameahudi kuwateuwa manaibu wake na mawaziri kutoka pande zote.

Kuhusu:

NGOs za wapenzi wa jinsia moja motoni

Wapenzi wa jinsia moja kwenye burudani Uganda

Serikali ya Uganda inapanga kupiga marufuku mashirika 38 yasio ya kiserikali kwa kigezo kwamba zinachochea mapenzi ya jinsia moja.

Waziri wa Uadilifu na maadili wa Uganda Bwana Simon Lokodo amesema ana ushahidi kwamba mashirika hayo yamekuwa yakifanya mikutano ya kuendeleza mapenzi ya jinsia moja nchini humo.

Lakini waziri huyo hakuyataja mashirika hayo ambayo amepanga kuyaharamisha.

Nchini Uganda mapenzi ya jinsia moja ni hatia na kwa wakati huu hoja inayopendekeza watakaopatikana wakishiriki katika mapenzi ya aina hiyo wafungwe jela maisha ingali bungeni.

Uganda ni nchi ambayo inashikilia maadili ya kiafrika na wengi wanasema kuwa mapenzi ya jinsia moja inakwenda kinyume na dini na maadili ya kiafrika.

Nchini humo watu wanaoshiriki mapenzi ya aina hiyo wamekuwa wakishambuliwa, wakifutwa kazi huku wengine wakitengwa na jamii.

Ni kutokana na hali hiyo ambapo hivi karibuni mashirika ya kutetea haki za watu wanaofanya mapenzi ya yamekuwa yakiubuniwa .

Ni makundi kama hayo ndio waziri Lokodo amesema anataka yapigwe marufuku.

Kuhusu:

Pope Benedict XVI ataka amani Nigeria

Papa Benedict XVI aomba utulivu Nigeria

Kiongozi wa kanisa Katoliki duniani, Papa Benedict XVI ametoa wito wa kokomeshwa kwa kile alichokitaja kama mashambulizi ya kigaidi dhidi ya wakrito nchini Nigeria.

Kiongozi huyo alikuwa akizungumza mjini Vatican wakati wa hotuba yake ya kila wiki. Siku ya jumapili makanisa matatu yalishambuliwa na watu wa kujitolea mhanga na kusababisha vifo vya watu 16.

Wanaharakati wa Boko Haram walidai kuhusika na shambulizi hilo.

Kutokana na shambulizi hilo la jumapili ,kumekuwa na mashambulizi mengine ya ulipizaji kisasi katika miji ya Kaduna na Damaturu na kusababisha vifo zaidi.

Lakini katika hutuba yake Papa Benedict amewataka wa-Nigeria wajenge jamii iliyona maelewano.

Amsema amekuwa akifuatilia kwa masikitiko makubwa yale yanayotokea nchini Nigeria ambapo mashambulizi ya kigaidi yanaendelea hasa yakielekezwa kwa wa-kristo.

Papa ametaka hali hiyo ikomeshwe ili kuzuia umwagikaji zaidi wa damu nchini humo.

Kuhusu:

Matokeo ya uchaguzi yameahirishhwa Misri

Mgombea wa muslim brotherhood anadai ushindi

Tangazo la matokeo ya uchaguzi wa urais uliofanyika mwishoni mwa wiki limehairishwa, hii ni kulingana na taarifa kwenye televisheni ya kitaifa.

Matokeo hayo yalikuwa yatangazwe alhamisi, lakini tume ya uchaguzi imelazimika kuhairisha tangazo hilo ili kushughulikia malalamiko yaliowasilishwa na wagombea.

Mgombea wa muslim brotherhood anadai ushindi Wagombea hao Mohammed Mursi na Ahmed Shafiq wote wamedai kushinda uchaguzi huo.

Kulingana na tume ya uchaguzi jumla ya malalamiko 400 yamewasilishwa lakini haijasema matokeo hayo yatatangazwa lini.

Msemaji wa vuguvugu la Muslim Brotherhood, Nader Omran amesema kuwa tangazo hilo halifai kuhairishwa.

"Hatua hii itachochea hali ya wasiwasi itakuwa bora zaidi suala hili limalizwe alhamisi" amesema Bw Omran.

Wasimamizi wa kampeni ya mgombea wa Muslim Brotherhood, Mohammed Mursi wanasema kuwa kura zinaonyesha kuwa alishinda duru hiyo ya pili ya uchaguzi.

Lakini mshauri wa karibu wa Ahmed Shafiq, amewaelezea waandishi wa habari mjini Cairo kuwa, Shafiq- aliyekuwa waziri mkuu chini ya Utawala wa rais Hosni Mubarak-alishinda uchaguzi huo.

Maelfu ya watu wamekusanyika katika bustani ya Tahriri tangu juzi kulaani baraza kuu la jeshi ambalo juzi limejilimbikizia mamlaka baada ya mahakama kuu kulivunja bunge la nchi hiyo.

Kuhusu:

Kiongozi wa kambi ya upinzani Bungeni Atangaza mawaziri vivuli

Mhe:Freeman Mbowe

BARAZA LA MAWAZIRI KIVULI NA MABADILIKO YA WIZARA KIVULI

No.	WIZARA KIVULI	WIZARA YA SERIKALI	KAMATI HUSIKA YA BUNGE	WAZIRI KIVULI	NAIBU WAZIRI
1.	OFISI YA WAZIRI MKUU	OFISI YA WAZIRI MKUU	-SHERIA NA KATIBA, -FEDHA ,UCHUMI +MIPANGO	KUB- FREEMAN A.MBOWE
2.	WAZIRI WA NCHI OFISI YA WAZIRI MKUU	1.SERA,URATIBU NA BUNGE 2.UWEKEZAJI NA UWEZESHAJI 3. TAMISEMI— ELIMU -TAWALA ZA MIKOA	-do-	DAVID ERNEST SILINDE	-
3.	MIUNDOMBINU	UJENZI NA UCHUKUZI	MIUNDOMBINU	SAID ARFI	PAULINE GEKUL
4	WAZIRI WA NCHI OFISI YA RAIS	OFISI YA RAIS 1-UTAWALA BORA 2-MAHUSIANO NA URATIBU 3- MENEJIMENT YA UTUMISHI WA UMMA	-SHERIA NA KATIBA. -FEDHA NA UCHUMI	PROF. KULIKOYELA KAHIGI	-
5.	FEDHA UCHUMI NA MIPANGO	WIZARA YA FEDHA	FEDHA NA UCHUMI	ZITTO KABWE	CHRISTINA MUGHWAI
6.	KATIBA SHERIA NA MUUNGANO	KATIBA NA SHERIA+OFISI YA MAKAMU WA RAIS MUUNGANO	SHERIA NA KATIBA	TUNDU A.LISSU	-
7.	MALIASILI,UTALII NA MAZINGIRA	MALIASILI NA UTALII+OFISI YA MAKAMU WA RAIS MAZINGIRA	MALIASILI NA MAZINGIRA	MCH.PETER MSIGWA	-
8.	MAMBO YA NDANI YA NCHI	MAMBO YA NDANI	MAMBO YA NJE ULINZI NA USALAMA	VICENT NYERERE	-
9.	MAMBO YA NJE NA USHIRIKIANO WA AFRIKA YA MASHARIKI	MAMBO YA NJE NA USHIRIKIANO WA KIMATAIFA+ USHIRIKIANO WA AFRIKA YA MASHARIKI	MAMBO YA NJE ULINZI NA USALAMA	EZEKIAH D.WENJE	RAYA IBRAHIM KHAMIS
10.	ULINZI NA JKT	ULINZI NA JKT	MAMBO YA NJE ULINZI NA USALAMA	MCH.ISRAEL NATSE	-
11.	MAJI,MIFUGO NA UVUVI	MAJI NA UMWAGILIAJI+ MAENDELEO YA MIFUGO NA UVUVI	KILIMO ARDHI NA MAJI	SYLVESTER M.KASULUMBAYI	SABREENA HAMZA SUNGURA
12.	KAZI,HABARI,UTAMADUNI NA MICHEZO	HABARI,VIJANA NA MICHEZO+ KAZI NA AJIRA	MAENDELEO YA JAMII	JOSEPH O.MBILINYI	CECILIA PARESSO
13.	NISHATI NA MADINI	NISHATI NA MADINI	NISHATI NA MADINI	JOHN MNYIKA	-
14.	VIWANDA NA BIASHARA	VIWANDA NA BIASHARA	VIWANDA NA BIASHARA	HIGHNESS KIWIA	-
15.	AFYA, JINSIA NA JAMII	AFYA NA USTAWI WA JAMII+MAENDELEO YA JAMII JINSIA NA WATOTO	-HUDUMA ZA JAMII -MAENDELEO YA JAMII	DR. GERVAS MBASSA	CONCHESTA RWAMLAZA
16.	ELIMU,SAYANSI NA TEKNOLOJIA	ELIMU NA MAFUNZO YA UFUNDI + SAYANSI TEKNOLOJIA NA MAWASILIANO	-HUDUMA ZA JAMII -MIUNDOMBINU	SUZAN A.LYIMO	JOSHUA NASSARI
17.	KILIMO NA USHIRIKA	KILIMO, CHAKULA NA USHIRIKA	KILIMO, MIFUGO NA MAJI	ROSE SUKUM KAMILI	-
18.	ARDHI,NYUMBA NA MAKAZI	ARDHI, NYUMBA NA MAENDELEO YA MAKAZI	ARDHI, MALIASI NA MAZINGIRA	HALIMA MDEE	-

Kuhusu:

Kionngozi wa kambi ya upinzani Bungeni Freeman Mbowe akifafanua jambo.

Kuhusu:

Bulaya: Niko tayari kufa nikitetea nchi yangu

Mbunge viti maalum,Esther Bulaya Na Dotto Kahindi NGUVU ya vijana katika kutetea maslahi ya nchi na kuchochea maendeleo ni nyenzo muhimu sana katika taifa lolote lile kama vijana wenyewe watapewa nafasi ya kutumia vipaji vyao katika kuongoza jamii zao. Nguvu hiyo inajidhihirisha kwa wabunge vijana ambao wameingia bungeni na kuonyesha uwezo mkubwa wa kuongoza na kuleta mabadiliko wakifanya kazi bila woga. Wabunge kama Zitto Kabwe, January Makamba, Halima Mdee, Esther Bulaya na wengine wengi ni miongoni mwa vijana hao ambao wamekuwa wakileta changamoto bungeni bila kujali itikadi za vyama vyao. Katika makala haya Mbunge wa Viti Maalumu anayewakilisha kundi la Vijana Mkoa wa Mara, Esther Bulaya anasema kuwa alipoingia bungeni alikwenda na dhamira moja tu ya kushirikiana na vijana wenzake wa Mkoa wa Mara na taifa kwa ujumla ili kuleta maendeleo. “Nipo bungeni kuwawakilisha vijana na niko tayari kupoteza hata uhai wangu kwa kulitetea taifa langu hata kama nitaonekana msaliti katika chama changu kwa kukemea maovu,” anasema Esther na kuongeza: “Pamoja na kupoteza wazazi wangu nikiwa bado mdogo sikukata tamaa wala kupoteza matumaini ya kufanikiwa katika maisha yangu, na hiyo ni kutokana na maneno ya mwisho ya wazazi wangu ambayo yalinitia ujasiri wa kupambana na maisha ili kupata ushindi na kutimiza malengo yangu”. Anasema maneno ya mwisho ya wazazi wake kabla ya kufariki yalikuwa ni mbegu ya ujasiri wa kujituma, kutoogopa wala kukata tamaa katika kutafuta mafanikio hata katika hali ngumu ya upinzani na maadui wengi. Esther anasema akiwa darasa la sita, baba yake mzazi Amos Bulaya aliyekuwa askari wa Jeshi la Kujenga Taifa (JKT) wa cheo cha meja katika kambi ya Pangawe, Morogoro alifariki dunia na akiwa kidato cha pili, mama yake Hadija Ismail alifariki dunia pia. Baada ya wazazi wake kufariki dunia Esther alikuwa akilelewa na baba yake mdogo Paul Bulaya (Ofisa wa Jeshi la Wananchi Tanzania (JWTZ) ambaye alimsomesha hadi alipomaliza elimu yake ya sekondari na chuo. Akiwa Mbunge kijana wa CCM, Esther amekuwa amekuwa akishirikiana na wabunge wa vyama vya upinzani kiasi baadhi ya wabunge na viongozi wa chama chake wamekuwa wakimtuhumu kwa usaliti. Hata hivyo mwenyewe anasema anaamini kuwa kushirikiana na wabunge vijana ni kuimarisha nguvu ya kudai na kutetea haki za vijana. “Maendeleo hayaji kama hushirikiani na vijana katika uamuzi na utekelezaji, vijana wote bila kujali itikadi za vyama wanapaswa kuungana kukemea maovu na kupandikiza mbegu mpya ya ushindi na maendeleo ya nchi yetu,” anasema. Siasa Esther anasema kuwa alianza kugundua kuwa ana kipaji cha uongozi wakati akiwa darasa la kwanza alipoteuliwa kuwa kiongozi wa darasa hali ambayo iliendelea hadi akiwa darasa la saba katika shule ya msingi Kurasini, jijini Dar es Salaam. Anasema akiwa shule ya sekondari Makongo aliteuliwa pia kuwa kiranja jambo ambalo liliwafurahisha hata ndugu zake hasa baba yake mdogo ambaye ndiye alikuwa akiishi naye kwa wakati huo. Mnamo mwaka 2000 alijiunga na Chuo cha Uandishi wa Habari cha Morogoro, (MSJ) kuchukua Diploma ya uandishi wa habari ambako pia alikuwa Waziri wa Maendeleo ya jamii na Michezo. Jina la Esther lilianza kuonekana kwenye vyombo vya habari mwanzoni mwa miaka ya 2000 alipokuwa mwandishi katika kampuni ya Uhuru Publications Ltd inayochapisha magazeti ya Uhuru na Mzalendo. Esther aliyeingia bungeni baada ya kushinda nafasi za uwakilishi wa Umoja wa Vijana wa Chama Cha Mapinduzi (UVCCM) na ambaye pia ni Mkuu wa Idara ya Utekelezaji katika jumuiya hiyo anasema kazi kubwa anayofanya ni kushirikisha vijana katika kujiletea maendeleo yao. Anasema katika kipindi chote cha uandishi alikuwa akijifunza namna ya kujenga hoja na kuwasilisha na alipoona anaweza akajitosa katika kinyang’anyiro cha ubunge. “Unajua kipindi chote nilikuwa najifunza kuwasilisha mawazo yangu ya kuijenga nchi kwa taaluma, na ilipofika mwaka 2010, niliona wazi kwamba hatua niliyofikia haitaweza kutimizwa kama sikuingia rasmi kwenye siasa na hasa kuwa mbunge.” Esther aliyeingia bungeni baada ya kushinda nafasi za uwakilishi wa Umoja wa Vijana wa Chama Cha Mapinduzi (UVCCM) na ambaye pia ni Mkuu wa Idara ya Utekelezaji UVCCM anasema kazi kubwa anayofanya ni kushirikisha vijana katika kujiletea maendeleo yao. Harakati za Ubunge kamili. Akizungumzia madai yaliyopo kuwa anajipanga kuwania ubunge kamili wa Bunda Esther anasema; “Ni mapema mno kusema kwamba nitagombea ubunge kupitia Jimbo la Bunda au sitagombea. Ninachokifanya sasa ni kutimiza ahadi kwani kuna mambo mengi nitayafanya kwa vijana ikiwa ni pamoja na kuwapa elimu ya ujasiriamali”. Hata hivyo Esther amekuwa akitoa misaada mbalimbali katika mkoa wa Mara hasa katika michezo hali ambayo inatafsiriwa kama harakati za kuwania ubunge kamili katika jimbo la Bunda ambalo kwa sasa linakaliwa na Steven Wassira, Waziri wa Nchi Ofisi ya Rais (Uhusiano na uratibu). Esther aliingia bungeni baada ya kushinda nafasi za uwakilishi wa Umoja wa Vijana wa Chama Cha Mapinduzi (UV-CCM), pia ni Mkuu wa Idara ya Utekelezaji UVCCM ambapo amejipanga kushirikisha vijana katika kujiletea maendeleo yao. Esther Bulaya alizaliwa miaka 32 iliyopita na ni mama wa mtoto mmoja (Briton, 7). Chanzo:Mwananchi

Kuhusu:

Wasira, Bulaya,wazozana bungeni

Mh:Esther Bulaya

WAZIRI wa Nchi, Ofisi ya Rais (Uhusiano na Uratibu), Stephen Wassira na Mbunge wa Viti Maalum (CCM), Esther Bulaya, juzi walizozana katika kile kinachoonekana kuwa ni kuwania madaraka katika Jimbo la Bunda mkoani Mara, katika uchaguzi mkuu 2015. Sakata hilo lilitokea nje ya ukumbi wa Bunge mara baada ya kuahirishwa kwa kikao juzi usiku, ambapo Wassira alimfuata Bulaya na kumhoji kwamba kwanini alitoa maneno ya kuipinga bajeti ya Serikali. Wassira ambaye pia ni Mbunge wa Bunda (CCM) Alimwambia Bulaya: “Mimi ndiye Mbunge wa Bunda, wewe huwezi kujifanya ndiye uliyetumwa na wananchi kuja kusema maneno ya uwongo hapa, eti unaipinga bajeti ya Serikali, ni nani aliyekutuma?” Waziri huyo alikwenda mbali na kumwambia mbunge huyo kijana kwamba, “wewe tunakufahamu una pande mbili (upinzani na CCM) na kila siku unashirikiana na Halima Mdee (Kawe-Chadema), tunakujua kwamba uko CCM na Chadema.” Kutokana na kauli hizo, Bulaya alijibu mapigo akimwambia Wassira kwamba yeye akiwa mbunge wa CCM ana wajibu wa kukikosoa chama chake na hakuwa mtu wa kwanza kukataa kuunga mkono bajeti hadi hapo marekebisho yatakapokuwa yamefanywa. “Mimi nina haki ya kuzungumza ndani ya Bunge na kusema kile ninachokiamini kama mbunge, wala hakuna mtu wa kuniwekea mipaka. Halafu kama ni uhusiano na wabunge wengine mbona wabunge wengi tu wa CCM wanashirikiana na upinzani?” alihoji Bulaya. Wakati hayo yakiendelea Waziri wa Ulinzi na Jeshi la Kujenga Taifa, Shamsi Vuai Nahodha na mbunge mwingine wa Viti Maalum (CCM), Rosemary Kirigini walikuwa wakishuhudia. Nahodha alitumia dakika chache kumsihi Bulaya kutojibu mashambulizi ya Wassira. Msingi wa mvutano Msingi wa mvutano huo ni mchango wa Bulaya alipochangia hotuba ya bajeti ya Serikali na kuhoji sababu ya kutotengwa kwa fedha za kuwalipa fidia wananchi wa Bunda waliohama katika maeneo yao kupisha utekelezaji wa mradi wa maeneo maalum ya uwekezaji (EPZ). “Nitahitaji majibu sahihi katika hili, kwani wananchi wa Bunda wamenituma na bila majibu sina haja ya kuunga mkono hoja,” alisema Bulaya. Mbali na suala hilo, mbunge huyo pia aliiponda bajeti ya Serikali kwamba haina jipya kutokana na kushindwa kuandaliwa kwa vipaumbele, ambavyo vitasaidia maendeleo ya Watanzania, badala yake bajeti hiyo, bado imetenga fedha nyingi kwa matumizi ya kawaida, imeendeleza misamaha ya kodi na kukuwa kwa deni la Taifa. Akichangia hotuba ya bajeti ya Serikali, Bulaya alisema bado hajaridhishwa na serikali kutenga fedha nyingi katika matumizi ya kawaida na kwenda kinyume na mpango wa serikali wa miaka mitano ambao ulieleza wazi fedha za maendeleo zitaongezeka walau kwa asilimia 35 kila mwaka. Mbunge huyo alisema ni lazima Serikali iwe na vipaumbele vichache ili iweze kutekeleza kwa fedha za ndani, kuliko kuwa na vipambele vingi ambavyo haviwezi kutekelezeka. Bulaya alisema pia inahitajika mchanganuo wa deni la Taifa kwani bado linaongezeka mwaka hadi mwaka na sasa limefikia trilioni 20. Alisema pia inashangaza wakati fedha za maendeleo zinapunguzwa matumizi mengineyo katika wizara yameongezeka hadi kufikia 583 fedha ambazo ni nyingi sana. “Haiwezekani zikatengwa Sh583 bilioni kwa ajili ya kula katika wizara, wakati miundombinu muhimu kama Reli ya Kati inahitaji zaidi ya Sh1.3 trilioni kuboreshwa na wizara nzima imepangiwa trilioni 3.8,” alisema Bulaya na kuongeza: “Nina mhurumia sana Waziri wa Uchukuzi, Dk Mwakyembe (Harrison) kwani hawezi kutekeleza mipango yake kwa bajeti hii,” alisema. Mgogoro wahamia bungeni Katika kile kinachoonekaka kwamba ni mvutano wa kisiasa baina ya Wassira na Bulaya, suala lao liliibuka kwa sura nyingine katika kipindi cha maswali na majibu jana asubuhi. Bulaya aliuliza swali kuhusu wananchi 164 katika Wilaya ya Bunda waliosubiri kulipwa fidia kwa ajili ya kupisha utekelezaji wa mradi wa maeneo maalum ya uwekeza (EPZ). Katika majibu yake, Naibu Waziri wa Viwanda, Biashara na Masoko, Gregory Teu alisema wananchi hao watalipwa fedha zao mwezi ujao. Akijibu swali la nyongeza la Bulaya, Teu alisema, “napenda kumpongeza Mbunge wa Bunda, Mheshimiwa Wassira kwa jinsi ambavyo amekuwa akifuatilia suala hili, kwa kweli amekuwa akifuatilia sana ili kuhakikisha kwamba wananchi hawa wanalipwa.” Kauli yake hiyo ilizua miguno na minong’ono ya chinichini kwa baadhi ya wabunge, wakiashiria kile kinachoonekana ni vita baina ya Wassira na Bulaya. Kuhusu mchakato wa malipo hayo, Teu alisema malipo ya fidia yalilipwa kwa awamu mbili kupitia akaunti ya Halmashauri ya Wilaya ya Bunda, ambapo mwaka 2009 jumla ya Sh1 bilioni zililipwa kama awamu ya kwanza kwa hundi kutoka EPZ. “Awamu ya pili ya malipo ya Sh100 milioni ililipwa mwaka 2010 kwa hundi namba 6064316 kutoka EPZ, hadi sasa katika awamu hizo mbili, jumla ya watu 116 wameshalipwa,’’ alisema Teu. Naibu Waziri alisema fedha zilizobaki, Sh 1,042,852,910, tayari zimetengwa na hazina na inatarajiwa kulipwa Julai 2012 kwa wahusika 164 waliobakia, ili kukamilisha idadi ya watu 280 waliostahili kulipwa. Alisema mwaka 2007, wizara kupitia Mamlaka ya EPZ na kwa kushirikiana na Halmashauri ya Wilaya ya Bunda, ilitenga eneo la hekta 2,316 katika kijiji cha Tairo Bunda ikijumuisha vitongoji vitatu kwa ajili ya uwekezaji wa EPZ. Teu alibainisha kuwa katika mpango huo, jumla ya Sh3.4 bilioni zilihitajika ili kulipa wananchi wanaomiliki maeneo hayo, lakini kutokana na gharama kuwa kubwa EPZ kwa kushirikiana na Ofisi ya Mkuu wa Mkoa wa Mara walikubaliana kupunguza na kubakiza kitongoji kimoja cha Kirumi. Hata hivyo, Naibu Waziri alisema kuwa malipo yatayotolewa katika kipidni cha sasa, yatakuwa katika bei ya soko la sasa, na kwamba serikali imekwisha wa kuangalia namna ya kufidia deni hilo.

Kuhusu:

JOHN MNYIKA: Msimamo wangu wa sasa juu ya Kauli yangu bungeni!

Mbunge wa Ubungo Mh:John Mnyika

Nitatoa tamko la kina baadae kuhusu kilichotokea lakini kwa ufupi ubovu wa bajeti hii ni matokeo ya udhaifu wa Rais Kikwete, yeye ndiye aliyesaini Mpango wa Taifa wa miaka mitano kama Kiongozi Mkuu wa Nchi tena kwa wino mwekundu kama Amiri Jeshi Mkuu.

Na yeye ndiye Mwenyekiti wa baraza la mawaziri, bajeti hii iliyoacha kuzingatia mpango wa Taifa imepita kwenye baraza alilloliongoza, pia kushindwa kutekelezwa kwa bajeti iliyopita ni matokeo pia ya udhaifu wa taasisi ya Urais.

Pia kwa mujibu wa Katiba Rais ndiye ambaye anapeleka bajeti bungeni, Waziri mwenye dhamana anapeleka tu kwa niaba.

Rais amepewa mamlaka makubwa juu ya bajeti ibara ya 99 imeweka mipaka kuhusu mambo ambayo bunge lina mamlaka nayo huku ibara ya 90 inasema bunge likikataa bajeti rais ana mamlaka ya kuvunja bunge.

Hivyo Rais Kikwete anapaswa kuagiza Waziri wa Fedha bajeti iondolewe irudi kwenye baraza la mawaziri ikafanyiwe marekebisho!

Kuhusu:

Msafara wa Mugabe kwenye ajali

Rais Mugabe na msafara wake kwenye ajali

Police wa Zimbabwe wamesema kwamba mtu mmoja alifariki na wengine 15 kujeruhiwa katika ajali iliyokumba msafari wa Rais Robert Mugabe.

Mojawapo ya magari yaliokuwa kwenye msafara huo wa rais liligonga basi la abiria karibu na mji mdogo wa Zvimba

Hii ni ajali ya pili kufanyika katika muda wa wiki mbili.

Msemaji wa Police Wayne Bvudzijena amesema ajali hiyo iliyofanyika siku ya jumapili kufuatia hatua ya basi hilio kukaidi amri ya kupisha msafara wa Rais Mugabe.

Kwa kawaida Rais Mugabe husafiri akiwa kwenye msafara wa magari karibu 10.

Katika msafara wake pia huwa kuna magari ya kifahari , pikipiki na magari ya kijeshi.

Inasadikiwa kwamba gari lililohusika katika ajali hiyo lilikuwa likiongoza mfasara huo kuelekea katika kijiji cha Rais Mugabe.

Kuhusu: