Edward Snowden won't be pressured to end asylum, Russia says

National Security Agency leaker Edward Snowden poses with German Green party parliamentarian Hans-Christian Stroebele in Moscow on October 31. Stroebele returned from the meeting with a letter from Snowden to German authorities, which was distributed to the media. In it, Snowden said he is confident that with international support, the United States would abandon its efforts to "treat dissent as defection" and "criminalize political speech with felony charges."

HIDE CAPTION

NSA leaker Edward Snowden

Edward Snowden responds to CNN

A DOJ deal for Edward Snowden?

Atty Gen. Holder discusses Snowden case

Russia's position basically buys Snowden more time as he mulls his next move.

Snowden has said he wants to return home but also wants whistle-blower protection. The U.S. government, meanwhile, says it will not offer clemency.

In an online chat Thursday, Snowden said that returning to the U.S. "is the best resolution for all parties," but "it's unfortunately not possible in the face of current whistle-blower protection laws."

He pointed out that the U.S. government's Whistleblower Protection Act doesn't cover someone like him, a former government contractor.

"There are so many holes in the laws, the protections they afford are so weak, and the processes for reporting they provide are so ineffective that they appear to be intended to discourage reporting of even the clearest wrongdoing," he wrote. "... My case clearly demonstrates the need for comprehensive whistle-blower protection act reform."

Snowden offered his remarks from Russia, where he's been since June, having been granted a one-year asylum. Pushkov's remarks appear to open the door to an extension of that asylum.

The U.S. government hasn't stayed silent on his case, either.

On Thursday, around the time that Snowden was answering questions online, Attorney General Eric Holder said that "if Mr. Snowden wanted to come back to the United States and enter a plea, we would engage with his lawyers."

The government would take the same tack with anyone willing to plead guilty, Holder said at an event at the University of Virginia's Miller Center.

But in Snowden's case, the attorney general insisted, "Clemency isn't something that we (are) willing to consider."

Kuhusu:

KATIBU WA CCM MBEYA AKOMBWA NA M4C PAMOJA DAIMA

Aliyekuwa Katibu wa Chama Cha Mapinduzi (CCM), Tawi la Isitu, Chimara mkoani Mbeya, Felix Komba jana alizolewa na Operesheni ya M4C Pamoja Daima ya Chadema na kuamua kukikacha chama chake na kujiunga na chama hicho.

Operesheni hiyo ya Chadema inayozunguka nchi nzima imeendelea kushika kasi kutokana na maelfu ya wananchi kujitokeza katika mikutano ya chama hicho.

Operesheni hiyo imezidi kuwa tishio kwa CCM kutokana na kuongezeka kwa mashabiki wa chama hicho kwa kipindi hichi. Zifuatazo ni picha za mikutano ya M4C Pamoja Daima iliyofanyika maeneo tofauti tofauti.


Mwenyekiti wa Chama cha Demokrasia na Maendeleo (CHADEMA), Freeman Mbowe akihutubia wananchi wa mjini Ngara katika mkutano wa hadhara wa Operesheni M4C Pamoja Daima, uliofanyika jana.


Aliyekuwa Katibu wa Chama Cha Mapinduzi (CCM), Tawi la Isitu, Chimara mkoani Mbeya, Felix Komba akizungumza katika mkutano wa Operesehni M4C Pamoja Daima mbele ya Katibu Mkuu wa Chama cha Demokrasia na Maendeleo (Chadema), Dk. Willibrod Slaa, baada ya katibu huyo kujiunga na Chadema wakati wa mkutano huo uliofanyika Chimara jana.


Katibu Mkuu wa Chama cha Demokrasia na Maendeleo (Chadema), Dk. Willibrod Slaa akiwahutubia wananchi wa mji wa Makambako, katika mkutano wa hadhara wa Operesheni M4C Pamoja Daima, uliofanyika jana.


Wananchi wa mji wa Njombe na vitongoji wakiwa katika mkutano wa hadhara wa Operesehni M4C Pamoja Daima, wa Chama cha Demokrasia na Maendeleo (Chadema), uliofanyika mjini Njombe jana.


Mbunge wa Mbeya Mjini, Joseph Mbilinyi 'Sugu', akihutubia mkutano wa hadhara ikiwa ni mfululizo wa mikutano ya Operesheni M4C Pamoja Daima, uliofanyika katika mji wa Chamara mkoani Mbeya jana.

Kuhusu:

Kamati ya Zitto shakani • MAKAMU WAKE ASEMA HAJUI KINACHOENDELEA

Hata hivyo, kamati hiyo imezua mashaka ya vyama hivyo kuhojiwa kwani pamoja na Zitto kutoa taarifa kuwa atakuwa nje ya nchi kikazi, makamu wake, Deo Filikunjombe, naye amedai yuko jimboni na hajui kinachoendelea kuhusu vyama hivyo.

Akizungumza na gazeti hili jana kuhusu madai ya vyama hivyo kutopewa taarifa ya wito kwa maandishi, Filikunjombe alisema yuko jimboni kwa wapiga kura wake.

“Naomba usubiri niweze kuwasiliana na wajumbe wengine walioko kwenye vikao Dar es Salaam ili wao ndio waweze kulisemea jambo hilo ingawa huku niliko mtandao ni tatizo,” alisema mbunge huyo wa Ludemwa (CCM) ambaye hakupatikana hewani tena.

Wakati makamu mwenyekiti wa PAC akisema hivyo, makatibu vyama vya CCM, CHADEMA, CUF na NCCR-Mageuzi walilihakikishia gazeti hili jana kwamba hawakuwa na mwaliko wa kufika mbele ya kamati hiyo.

Katibu Mkuu wa Chama cha Demokrasia na Maendeleo (CHADEMA), Dk. Willibrod Slaa, alisema hawajapata barua ya mwaliko kukutana na PAC.

“Mimi nina mwaliko mwingine wa kuonana na Msajili wa Vyama vya Siasa Oktoba 24 mwaka huu, lakini ni kwa masuala tofauti kabisa hayana uhusiano na PAC,” alisema.

Naye Katibu Mkuu wa NCCR- Mageuzi, Samuel Ruhuza, alisema hajapata mwaliko huo wa PAC lakini akasisitiza kuwa akipata atahudhuria ili kujua nini kinazungumzwa huko.

Naibu Katibu Mkuu wa Chama cha Wananchi (CUF), Julius Mtatiro, aliliambia gazeti hili kuwa hadi jana walikuwa hawajaletewa barua ya mwaliko. Na kwamba hawatahudhuria hadi wapate barua.

Alipotafutwa Katibu wa Halmashauri Kuu (NEC) ya CCM, Itikadi na Uenezi, Nape Nnauye, naye alisema hawakuwa na mwaliko wowote wa barua hadi jana.

Wiki iliyopita Zitto alisema kuwa vyama vya CHADEMA, CCM, CUF, TLP, UDP, DP, Chausta na APPT-Maendeleo vinatakiwa kufika mbele ya PAC Oktoba 25 mwaka huu, kwa ajili ya kujieleza kwa nini hesabu zao za ruzuku hazijakaguliwa na Mkaguzi Mkuu wa Hesabu za Serikali (CAG) na kuwasilishwa kwa Msajili wa Vyama.

Vyama vikubwa vinne vya CCM, CHADEMA, CUF na NCCR-Mageuzi vimeingia kwenye msuguano wa maneno na PAC, vikimtuhumu Zitto kwa kuvijumuisha kwenye kapu moja wakati vingine hesabu zao zimekaguliwa na kuwasilishwa kwa msajili.

Zitto alisema tangu mwaka 2009, vyama vyote vya siasa vinavyopata ruzuku ya serikali havijawahi kupeleka ripoti yoyote ya ukaguzi wa fedha kwa CAG, huku vikiwa vimepokea ruzuku ya jumla ya sh bilioni 67.7.

Alitaja mgawanyo huo kuwa ni CCM ambacho kimekwishapokea ruzuku ya sh bilioni 50.9, CHADEMA sh bilioni 9.2, CUF sh bilioni 6.3, NCCR-Mageuzi sh milioni 677, UDP sh milioni 333, TLP sh milioni 217, APPT Maendeleo sh milioni 11, DP sh milioni 3.3 na Chausta sh milioni 2.4.

Alisema sheria inavielekeza vyama vyote vya siasa kupeleka ripoti zao za ukaguzi kwa CAG, jambo ambalo vimekuwa havifanyi.

Wasomi wanena

Wachambuzi wa siasa nchini wamevitaka vyama vya siasa kuacha kulumbana na badala yake vikubali kuhojiwa na PAC.

Wito huo ulitolewa jana na wasomi hao, kutokana na vyama kugomea wito wa PAC vikidai taarifa ya kutokaguliwa si ya kweli.

Mhadhiri wa Chuo cha Kikuu cha Dar es Salaam, Dk. Bashiru Ally, alieleza kushangazwa na malumbano hayo kwani suala la ruzuku linatolewa kwa mujibu wa sheria.

Alifafanua kuwa kujulikana kwa fedha hizo kwa wananchi ni haki yao kwa kuwa inatoka katika hazina ya serikali ambayo ni kodi za umma, hivyo ni muhimu zijulikane matumizi yake.

Dk. Bashiru alisema kukaguliwa matumizi ya ruzuku hiyo ni dhana ya uwajibikaji na kwamba zipo ofisi zilizopewa dhamana ya kufanya hilo.

Alibainisha kuwa vyama vya siasa vinaruhusiwa kuwa na mfumo wake wa ndani lakini pia serikali chini ya ofisi ya Waziri Mkuu ambayo madaraka yake yamekasimiwa ofisi ya Msajili wa Vyama vya Siasa ndiyo yenye jukumu la kufanya kazi hiyo ya kuhakiki wa ruzuku.

Alisema tatizo lililosababisha hali hiyo ni la kimfumo kutoka kwa vyama vya siasa, Ofisi ya Waziri Mkuu na Kamati ya Bunge; jambo hilo lisizue mjadala usiokuwa na faida kwa umma.

Naye Mhadhiri wa Chuo Kikuu cha Mtakatifu Augustine cha Mwanza (SAUT), Prof. Mwesiga Baregu, alisema malumbano hayo hayana manufaa katika hatua yaliyofikia kwani inakuwa ya kujitetea badala ya vyama kukaa na kujindaa kuhojiwa mbele ya PAC.

Alitaka kusitishwa malumbano hayo kutokana na kutokuwa na faida, bali wanachotakiwa kufanya ni kukaa mkao wa kwenda kujieleza vizuri katika kamati hiyo waeleweke.

Alibainisha kuwa iwapo kuna chama kitakuwa kimeshafanya hesabu zake kitaonyesha na kama bado uamuzi utafanyika kwa kufuata taratibu zilizopo.

Kuhusu ruzuku ya vyama, alisema ni jambo muhimu si kwa siasa au wanasiasa bali kwa Watanzania kwani jambo lililoibuliwa ni jema kwa kuwa vyombo hivyo ndivyo vyenye wajibu wa kuongoza na kuonyesha uadilifu.

Prof. Baregu alisema upo uwezekano wa CAG na PAC kutounganisha kazi zao hapo nyuma, hali aliyosema bado hawajachelewa ila wanachotakiwa kufanya ni kulishughulikia kikamilifu badala ya kulaumiana.

Kuhusu: Siasa, Zitto Kabwe

Vyama vyakabidhi mapendekezo sheria ya katiba

Hatimaye vyama vya siasa vilivyo na uwakilishi, kikiwamo Chama Cha Mapinduzi (CCM) na visivyokuwa na uwakilishi bungeni vimewasilisha serikalini mapendekezo ya kuboresha sheria ya marekebisho ya Sheri ya Mabadiliko ya Katiba ya mwaka 2013.

Msemaji wa vyama hivyo, ambaye pia ni Mwenyekiti wa NCCR-Mageuzi, James Mbatia, aliwaambia waandishi wa habari jana jijini Dar es Salaam kuwa mapendekezo hayo yalikabidhiwa kwa Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi.

Mbatia, ambaye pia ni Mbunge wa Kuteuliwa, alisema hayo baada ya vyama hivyo kukutana jana katika kikao chake cha tatu tangu wakutane na Rais Jakaya Kikwete Ikulu, jijini Dar es Salaam, Oktoba 15, mwaka huu.

Kikao hicho cha jana, kilihudhuriwa na Katibu Mkuu wa Chadema, Dk. Willibrod Slaa, Makamu Mwenyekiti wa CCM Tanzania Bara, Philip Mangula, Mwenyekiti wa CUF, Profesa Ibrahim Lipumba.

Wengine ni Isack Cheyo (aliyemwakilisha Mwenyekiti wa UDP), Nancy Mrindoko (aliyemwakilisha Mwenyekiti TLP), Mbatia (NCCR-Mageuzi) na Mwenyekiti wa UPDP, Fahmi Dovutwa, ambaye aliviwakilisha vyama visivyokuwa na uwakilishi bungeni.

Mbatia alisema kamati ya serikali na ya vyama vya siasa watakutana na kwamba, wamekubaliana mapendekezo hayo yapelekwe katika Mkutano ujao wa Bunge unaotarajiwa kuanza wiki ijayo kwa hati ya dharura.

Mbatia alisema suala hilo litajadiliwa katika mikutano ya wabunge wa vyama vyote vyenye uwakilishi bungeni.

 

CHANZO: NIPASHE

Kuhusu: Siasa

Filikunjombe awachana mawaziri mbele ya JK, Wananchi Mlangali/Mbwila wazuia msafara wa Rais

MBUNGE wa jimbo la Ludewa Deo Filikunjombe awafyatua mawaziri mbele ya Rais Jakaya Kikwete kuwa wamekuwa wakitembelea jimbo lake la Ludewa wakati wa ziara ya Rais na waziri mkuu wakati siku zote wananchi wa jimbo hilo wanalia kwa kero mbali mbali. Mbali ya kuwawasha mawaziri hao pia mbunge Filikunjombe amesema kuwa kero ya maji katika mji wa Ludewa ni kubwa na wananchi kwa zaidi ya wiki moja sasa hawana maji yamefungwa kwa ajili ya kuelekea Ikulu kwa matumizi ya Rais hali wananchi wa mji huo akiwemo yeye mwenyewe wamekosa maji ya kuoga kwa zaidi ya siku tatu sasa.

Mbunge Filikunjombe alitoa kauli hiyo leo katika uwanja wa Ludewa wakati wa mkutano wa hadhara wa Rais Kikwete. Kwani alisema kuwa mbali ya jitihada mbali mbali ambazo serikali ya Kikwete imekuwa ikifanya katika kusukumba mbele maendeleo ya wana Ludewa kwa kuanza ujenzi wa lami , mradi mkubwa wa makaa ya mawe na mchuchuma ila bado wananchi hao hawana shaka na miradi hiyo isiyo kuwa wanataka miradi hiyo inanze kuwanufaisha wana Ludewa hata kwa ajira badara ya wageni kutoka Kenya kupewa vitalu katika migodi hiyo huku wakazi wa Ludewa wakipokonywa vitalu vyao.

Hata hivyo alisema kuwa ni vema miradi hiyo kuanza kwa kuwanufaisha wana Ludewa kwanza hata kwa ajira badala ya kuwatazama wageni kutoka Kenya ambao wamekuwa wakipewa vitalu katika miradi hiyo .

"Mheshimiwa Rais sisi Ludewa si kama Mtwara ambao walisema gesi haitatoka Mtwara ....sisi Liganga na mawe yatatoka kwenda mikoa mingine ila tunataka vijana wa Ludewa waanze kunufaika kwa ajira "

Pia mbunge huyo alisema kuwa anashangazwa na baadhi ya mawaziri akiwemo waziri wa nishati ambae amekuwa akifikia wilaya ya Ludewa wakati wa ziara ya Rais badala ya kujenga utamaduni wa kuwatembelea wananchi mara kwa mara. Alisema wananchi wa Ludewa wamekuwa na kero kubwa juu ya madini yao kwa wenyeji kupokonywa vitalu vyao na ofisi ya madini kanda nay eye kama mbunge amepata kufika ofisi ya waziri husika ila hakuna jibu la maana analolitoa kwake . Hivyo kumwomba Rais Kikwete kuwabana mawaziri hao ikiwezekana ofisi ya madini kujengwa Ludewa na sio Mbeya kama ilivyo sasa.

Awali naibu waziri wa maji Dr Binilith Mahenge alimweleza Rais Kikwete kuwa wizara imetenga bajeti kwa ajili ya kufikisha maji katika vijiji mbali mbali vya wilaya ya Ludewa pamoja na eneo la mji wa Ludewa. Huku kwa upande wake naibu waziri wa nishati na madini George Simbachawene alisema kuwa wizara yake itaendelea kuwahudumia wananchi wa Ludewa na kuwaomba viongozi wa wilaya hiyo kuandaa ukumbi ili wataalam wake kuja kukutana na wananchi kwa ajili ya kupokea kero mbali mbali.

Wakati huo huo wananchi wa kata ya Madope na Mlangali katika wilaya ya Ludewa mkoani Njombe wamezuia msafara wa Rais Jakaya Kikwete kuomba kuharakisha ujenzi wa barabara ya lami kutoka Ludewa –Njombe pamoja na kero ya soko la mahindi ambayo wamedai yameendelea kuharibika katika nyumba zao

Wananchi hao wakiwa na mabango yanayoelezea kero hizo na nyingine walizuia msafara huo kwa nyakati tofauti wakati Rais Kikwete akitokea wilaya ya Njombe kuelekea makao makuu ya wilaya ya Ludewa kwa ajili ya ziara yake ya siku mbili wilayani Ludewa.

Kwa upande wao wananchi wa Madope ambako ni mpakani mwa wilaya ya Njombe na Ludewa walimwomba Rais Kikwete kusaidia kijiji hicho kupatiwa kituo cha afya pamoja na kuomba umeme , mnara wa simu na barabara ya lami kutoka Njombe – Ludewa. Wakati wananchi wananchi wa kata ya Mlangali wakimwomba Rais Kikwete kuwasaidia masoko ya mazao yao pamoja na kupatiwa huduma ya maji.

Akijibu kero za wananchi hao Rais Kikwete alisema kuwa serikali yake itaendelea kuwahudumia ikiwa ni pamoja na kutekeleza ahadi zake. Alisema kuhusu suala la mazao kukosa soko alisema kwa sasa serikali imenunua mazao kiasi cha kutosha na kuwa tayari imewataka watu binafsi kujitokeza kununua mazao hao.

Pia alisema suala la barabara tayari barabara ya Ludewa – Njombe ipo katika mkakati wa kujengwa kwa kiwango cha lami na tayari ujenzi huo umeanza katika mji wa Ludewa.

Kuhusu suala la maji alisema kuwa kwa kawaida upo usemi usemao kuwa wageni njoo wenyeji tupone ila ameshangazwa kuona Ludewa ni tofauti wageni wanapokuja ndipo wananchi wanapata kero ya maji. " Ila mimi sikupenda ninapokuja ninyi mkose maji ....mimi nitaondoka kesho tu ila upo mkakati wa serikali wa kutatua kero ya maji mijini na ninawaahidi katika kipindi kifupi kero hii ya maji itamalizika tayari bajeti ipo na shabaha yetu kutatua kero hiyo"

Akielezea kuhusu suala la umeme alisema vijiji zaidi ya 74 vitanufaika na umeme vijijini vikiwemo vijiji vya Mlangali , Madope na vijiji vingine vyote vya njiani kuelekea Songea na tayari mkandarasi amepatikana na kuwataka wananchi kuanza mandalizi ya kuingiza umeme. Hata hivyo Rais Kikwete akielezea kuhusu ujenzi wa barabara ya lami alisema kuwa kazi hiyo ina kazi zaidi ya moja ikiwemo ya uchoraji ramani na upembuzi yakinifu zoezi ambalo linaendelea kabla ya zoezi la tatu kuanza.

Alisema kuwa kwa upande wa Ludewa tayari Km mbili na nusu zimekwisha jengwa na sasa wasubiri kuanza ujenzi wa barabara yote ya Ludewa - NJombe . Kuhusu ahadi ya meli ambayo mbunge Filikunjombe alimtaka Rais kutolea ufafanuzi alisema kuwa serikali ipo katika mchakato wa kutekeleza ahadi hiyo. Alisema kuwa serikali itanunua meli tatu kwa ajili ya maziwa matatu Tanganyika , Nyasa na Victoria na kuwa tayari kupata meli zinafanyika na nchi zaidi ya mbili zinataka kuleta meli hivyo kuwa na meli mbili kila ziwa Rais Kikwete alimtaka mbunge Filikunjombe kuendelea kufuatilia suala hilo kwa waziri DR Mwakyembe ili kuona ahadi hiyo inatekelezeka.

Hisani ya Mjengwa blog

Kuhusu: Kitaifa

Raila Odinga aeleza Nyerere alivyomsaidia kusoma nje

Waziri Mkuu wa zamani wa Kenya, Raila Odinga ameeleza kuwa bila ya Pasipoti ya Tanzania aliyopewa kwa msaada na Mwalimu Julius Nyerere asingeweza kwenda Ujerumani kusoma baada ya Idara ya Uhamiaji ya Kenya kumnyima hati hiyo ya kusafiria.

Odinga ambaye hivi sasa ni kiongozi mkuu wa Muungano wa Cord ameeleza hayo katika kitabu chake kiitwacho The Flame of Freedom, ambamo ameelezea historia yake na familia yake katika mambo mbalimbali.

Idara ya Uhamiaji ya Kenya ilimnyima Odinga hati hiyo kutokana na Serikali ya kikoloni kuzuia hati ya baba yake, mzee Jaramogi Odinga kwa sababu alitembelea nchi za Urusi na China zilizokuwa maasimu wakubwa wa nchi za Magharibi.

Hata hivyo, Mzee Jaramongi aliamua kusafiria hati ya kimataifa alizopewa na Kwame Nkurumah wa Ghana, pamoja na Gamel Abdel Nasser wa Misri.

Odinga alihitaji hati hiyo kwa kuwa baba yake alitaka amalizie masomo yake nchini Ujerumani baada ya kukatishwa masomo akiwa kidato cha pili mwaka 1962 katika Shule ya Maranda.

Katika kitabu hicho, Odinga alisema hakushangaa kunyimwa hati hiyo.

Katibu wa baba yake aitwaye Olwande K’Oduol alimpeleka kwa Ofisa Afya wa Halmashauri ya Jiji la Nairobi, Rading Omolo ambapo alipigwa chanjo ya homa ya manjano.

“Nilipopata cheti cha chanjo hiyo tulirudi nyumbani kwa K’Oduol ambapo nilikuta vijana wengine wawili Mirulo na Oudia ambao nao walikuwa wakisafiri nje kusoma, hivyo tukaungana katika safari moja,” alisema Odinga katika kitabu hicho.

Alisema siku iliyofuatia waliamka mapema ili wawahi basi la kwenda Dar es Salaam ambapo walifika kituoni saa 12 asubuhi na waliondoka Nairobi saa 1:30 asubuhi kwa kutumia basi la kampuni ya Overseas Transport Company (OTC).

Wakati huo, barabara ya lami ya Nairobi ilikuwa inaishia njiapanda ya Uwanja wa Ndege wa Jomo Kenyatta na kuanzia hapo hadi Namanga barabara ilikuwa ni mbaya, anaeeleza Odinga.

“Utaratibu wa kuvuka mpaka ulikuwa rahisi, tulipata kifungua kinywa katika eneo hilo na kuondoka baada ya muda ambapo kituo kingine kilikuwa ni Arusha. Basi hilo lilipakia abiria wengine kabla ya kufika Moshi na kupata chakula cha mchana,” anasema Odinga na kuongeza;

“Tulipitia Korogwe, Handeni hadi Morogoro ambapo barabara ya lami ilianza kuonekana tena na tulifika Dar es Salaam saa 1:30 asubuhi baada ya safari ya saa 24 na tulipokelewa na Dola Osman ambaye alikuwa ni Katibu wa Katibu Mkuu wa TANU, Oscar Kambona.”

Odinga anaeleza katika kitabu hicho kuwa Osman aliwapeleka hotelini na kuwaacha kwa kuwa walikuwa wachafu na wenye njaa kutokana na safari ndefu. Walioga na kubadilisha nguo kisha kupata kifungua kinywa, ndipo Osman aliporudi na kuchukua picha tatu ndogo kwa kila mmoja ambazo walitakiwa kuwa nazo.

“Haikuchukua muda mrefu kwani kabla hata hatujamaliza chakula cha mchana, Osman alirudi na hati zetu za kusafiria akitueleza kuwa kila kitu kimeshakamilika;

“Siku moja kabla ya kuondoka kwetu, Osman alituchukua saa 3 asubuhi na kutupeleka ofisini kwa Waziri Mkuu, Mwalimu Julius Nyerere ambapo Mwalimu alifurahi sana kutuona na kunieleza kuwa Jaramongi ni rafiki yake wa karibu, pia alitueleza kuhusu safari yake ya Kisumu mwaka uliopita alipohudhuria mkutano wa Pan African,” anasema.

Baada ya hayo waliingia kwenye gari la Nyerere hadi nyumbani kwake ambapo walipata chakula cha mchana, kisha Mwalimu aliwatakia safari njema na masomo mema.

Kuhusu: Afrika mashariki

Je ICC inaonea Afrika?

Huku Rais wa Kenya Uhuru Kenyatta akikabiliwa na shinikizo kufika mbele ya mahakama ya kimataifa ya jinai ICC mwezi ujao, kujibu mashitaka ya uhalifu dhidi ya binadamu dhidi yake , Muungano wa Afrika umeitisha mkutano maalum kujadili uhusiano wake na mahakama ya ICC.

Muungano wa Afrika wenyewe umekumbwa na mgawanyiko kuhusu mahakama ya ICC, huku viongozi wa Afrika Mashariki wakikabiliwa na upinzani kutoka kwa wenzao wa Afrika Magharibi wanaounga mkono mhakama hiyo.

Hisia ni kali kuhusu mahakama hiyo.Upinzani dhidi ya mahakama hiyo ambayo imekuwepo kwa miaka 11, unatoka zaidi kwa Afrika Mashariki , hasa kwa sababu viongozi wake wawili wanatakikana na mahakama hiyo , Rais wa Sudan Omar al-Bashir na wa Kenya Uhuru Kenyatta. Naibu rais William Ruto tayari yuko mbele ya mahakama hiyo kwa tuhuma za uhalifu dhidi ya binadamu.

Mahakama ya ICC imekuwa kwenye ajenda ya AU tangu makama hiyo kutoa kibali cha kumkamata Rais Bashir na nchi zinazoipinga vikali ni pamoja na Kenya, Sudan na Uganda.

Nchi za Afrika Mgharibi zinazoipinga ni Nigeria, Ghana na Botswana.

Licha ya tetesi kuwa mkutano huo utajadili hatua ya wanachama 34 wa Afrika waliotia saini mkataba wa Roma zijiondoe kwenye mahakama hiyo, waziri wa mambo ya kigeni wa Kenya alisema kuwa haiwezekani kwa viongozi kuungana kujiondoa katika mahakama ya ICC.

Bwana Ruto na Rais Kenyatta ni viongizi wa kwanza wa Afrika kufikishwa mbele ya mahakama hiyo.

Wawili hao wanatuhumiwa kwa uhalifu dhidi ya binadamu. Wadaiwa kupanga na kuongoza ghasia za kikabila zilizozuka baada ya uchaguzi mkuu mwaka 2007-08. Watu zaidi ya elfu moja walipoteza maisha yao na wengine laki sita kuachwa bila makao.

Wote wamekanusha madai hayo na walichaguliwa kama rais na naibu wake wakenya wakipuuza onyo la Marekani la athari kutokea ikiwa wawili hao wangechaguliwa.

Wadadisi wanasema kuwa mahakama ya ICC inaoenekana kama ukoloni mambo leo na kuonea nchi za Afrika.

Pamoja na hilo, serikali ya Afrika Kusini yenye ushawishi katika Muungano wa Afrika, pia ilikosoa mahakama hiyo ya ICC.

Chama tawala cha ANC kilisema hapo nyuma kuwa ICC inataka kufanya mapinduzi nchini Kenya kwa kutumia sheria zake kwa kusisitiza kuwa Kenyatta na Ruto wawe katika mahakama hiyo wakati kesi zao zikiendelea badala ya wao kuwepo wakati kesi hizo zikielekea kumalizika.

Chama hicho kilisema kuwa mahakama ya ICC imekuwa chombo cha kubadilisha uongozi katika nchi za kiafrika. Sio Afrika Kusini pekee bali pia Zimbabwe ambayo imesema kuwa Tony Blair na George Bush wanapaswa kuwa kizimbani kwa kuvamia Iraq.

Kaskazini mwa Afrika ni Tunisia pekee inayounga mkono ICC.

Cha muhimu zaidi, Muungano wa Afrika umekosa kuimarisha uhusiano wake na ICC, tangu mwendesha mkuu wa mashitaka Fatou Bensouda wa Gambia kuchukua usukani mwaka jana kama mwendesha mkuu wa mshitaka.

AU imekosoa sana AU kwa sababu ya kuwashitaki viongozi wa Afrika pekee.

Uganda imekuwa ikisema kuwa mahakama ya ICC inatumiwa na watu wasiokuwa na nia njema na ambao wanajaribu kubadili utawala katika mataifa fulani.

Lakini rais wa Ghana John Mahama ameunga sana mkono ICC akisema kuwa imeweza kuwachukulia hatua wale waliokiuka haki za binadmau na kufanya mauaji bila kujali. Ila alipinga kushitakiwa kwa Uhuru Kenyatta na Naibu wake kwani walichaguliwa kama viongozi.

Licha ya tofauti hizi kati ya ICC na mataifa ya Afrika, wananchi wa Afrika wana msimamo tofauti kabisa kuhusu mahakama hiyo wengi wakiiona kama njia ya pekee kunusuru raia wa Afrika wanaokandamizwa na viongozi wasiojali sheria wala haki za binadamu.

Siku ya Jumatatu mashirika 130 yasio ya kiserikali nchini Kenya yaliandika barua kwa AU yakionya kuwa kujiondoa kwa mataifa ya Afrika katika mkataba wa Roma, kutaonyesha kuwa viongozi wa Afrika hawako tayari kulinda haki za watu pamoja na pia yataonekana kama yanayounga mkono tabia ya watu kukiuka sheria bila ya kujali.

Aliyekuwa katibu mkuu wa Umoja wa Mataifa Kofi Annan pia ameyaonya mataifa ya Afrika kutoondoka ICC.

Kuhusu: Kimataifa

Ziara ya Zitto Kabwe kanda ya Magharibi,jimbo la Igalula

Siku ya 5 ya ziara ya CHADEMA Kanda ya Magharibi imetufikisha Jimbo la Igalula, wilaya ya Uyui. Tumekutana na wananchi katika vijiji vya Goweko, Loya, Miswaki, Miyenze na Kigwa.


Tumezungumza kuhusu changamoto ya usafiri wa Reli, wafugaji kunyanyaswa na watendaji wa kata na askari kwa kunyanganywa mifugo, zao la Tumbaku, maji safi na salama na suala la jumla la Katiba na mchakato wa kuandika katiba.

Kimsingi shughuli za kiuchumi za wananchi ni kubwa na hasa Kilimo na mifugo. Hata hivyo ukosefu wa miundombinu unafanya wananchi wasipate thamani ya mazao yao na jasho la kazi zao.

Nilipofika Kijiji cha Loya nimeona eneo kubwa lina miti ya mihama. Wananchi wanatumia tu mihama wakati wa njaa na mara nyingi matunda haya yanaharibika tu. Lazima matunda haya yana matumizi yake ya kiviwanda maana ‘kernel’ yake ina mafuta.

Na hili ni swali aliloacha Mh Zitto Kabwe... Nani anajua matumizi ya Mihama?

Kuhusu:

Dk. Slaa aibamiza CCM

KATIBU Mkuu wa Chama cha Demokrasia na Maendeleo (CHADEMA), Dk. Willibrod Slaa, amesema kuwa Serikali ya Chama Cha Mapinduzi (CCM) imekuwa janga la Watanzania.
Amefafanua kuwa CCM inaua ubunifu wa vijana, kwamba asilimia 90 ya wanafunzi wanafeli shuleni huku viongozi wa chama hicho wakiwahadaa wananchi kwamba wanaleta maendeleo.
Dk. Slaa alitoa kauli hiyo jana alipozuru Shirika la Anga la Marekani (NASA) huko Huntsville nchini Marekani, ambako anaendelea na ziara yake ya kujifunza katika majimbo mbalimbali.
Akiongozana na mkewe, Josephine Mshumbusi, katibu mkuu huyo alilakiwa na Mkurugenzi Mkuu wa shirika hilo, Charles Frank Bolden Jr. pamoja na watendaji wengine na kupata fursa ya kutembezwa sehemu kadhaa.
Dk. Slaa alifika hapo kujifunza mambo mbalimbali, ikiwamo namna ya kuwashirikisha na kuwapa vijana wa Kitanzania changamoto ili waweke jitihada zaidi kwenye masomo ya sayansi, waweze kuinyanyua Tanzania kutoka kwenye shimo la umaskini.
Taarifa zilizochapishwa kwenye mitandao ya kijamii, zilimnukuu Dk. Slaa akisema kuwa wanasayansi wa Kimarekani walifika mwezini baada ya kupata changamoto kutoka kwa aliyekuwa Rais wao, John F. Keneddy, aliyewaomba wanasayansi hao kufikisha mtu mwezini chini ya miaka 10.
Alisema kuwa wanasayansi hao walimjibu na kufika mwezini chini ya miaka minane. Hali aliyodai ilitokana na Serikali ya Marekani kuipa kipaumbele elimu.
Dk. Slaa alisema kuwa baada ya uhuru, hayati Mwalimu Nyerere aliipa kipaumbele elimu kwa ujumla. Akitolea mfano kwamba aliwachukua vijana watano wanajeshi na kuwapeleka nchini Ireland kusomea mambo ya uhandisi.
“Waliporudi walipelekwa Kibaha ambako walibuni na kutengeneza gari la kwanza lililoitwa Nyumbu, ambalo ni ubunifu wao.
“Baadaye Mwalimu Nyerere aliwabunia wanajeshi hao mradi wa dhahabu wa Buhemba, ambao ungewawezesha kulipia gharama za kutengeneza magari mengi,” alisema.
Katibu mkuu huyo aliongeza kuwa kwa bahati mbaya baada ya Mwalimu kustaafu, mafisadi walijipenyeza na kuuchukua mradi huo. Kwamba huo ndio ufisadi uliozaa Meremeta.
“Mradi wa Nyumbu ukafa na kilichotokea ni ufisadi wa sh bilioni 155 uliohusisha Benki ya Netherlands ya Afrika Kusini. Hadi leo hakuna maelezo licha ya fedha hizo kutumika kwenye kampeni za CCM za mwaka 1995,” alisema.
Dk. Slaa alihoji ni maendeleo gani wanazungumzia CCM wakati watoto hawajui kusoma wala kuandika, huku wanajeshi waadilifu, wabunifu, wazalendo na wanaojituma wamefikia kuishi maisha ya ajabu.
“Ubunifu wao kama mradi wa Nyumbu umeuawa na CCM, imefanya maisha yao kuwa magumu na ya kusikitisha. Wanajeshi waliostaafu wamebaki kama ombaomba.
“Wale wanaoshiriki kulinda amani nje ya nchi wanadhulumiwa hela zao pale wanaporudi Tanzania. Nchi ambayo haiwezi kuwahudumia wanajeshi wake ni nchi isiyofaa kuwa katika ramani ya dunia,” alisema.
Dk. Slaa aliwaomba wanajeshi na vijana kutokata tamaa wala kusikitika kwani CHADEMA inasikia vilio vyao, na kwamba wanatambua kuwa ugumu wao wa maisha umesababishwa na CCM.
“Wakati hao CCM wanajineemesha na hela zetu za kodi, wanajeshi na wananchi kwa ujumla wanashindwa hata kujenga nyumba ya kujisitiri punde wanapostaafu,” alisema.
Aliongeza kuwa CCM imeua ubunifu ndani ya Tanzania na kuamua kuwaweka vijana kuwa mazezeta ili waendelee kuwatawala.
“Wenzetu wanapeleka watu mwezini, lakini Watanzania hata wembe tunanunua kutoka nje kwa sababu ya CCM. Wakiendelea kuwanyima wananchi haki zao za msingi muda utafika watachoka,” alisema.

Kuhusu: